Hriat angin 2020 UEFA European Championship chu khelh mek zel a ni a, tunah hian quarter final khelh zawh tawh niin kar leh lam atang Semi final khelh a ni leh ang.
Quarter final khelh takah khan Spain chuan Switzerland hnehna atan extra time khelh a ngai a, minutes 120 hnuah pawh an hneh theih loh avangin penalty shootout petin hnehna an chang a nih kha. Italy lamin Belgium an hneh ve leh a, Semi final-ah Italy nen an inhmachhawn ang.
Chutiang bawkin Denmark in Czech Republic an hneh a, England in Ukraine hneh ve lehin Semi final ah Denmark leh England an inhmachhawn ve bawk ang.
Euro 2020 quarter finals khelh zawh a nih hnuah stat hrang hrang a awm nual a, tun tumah hian stats 10 te kan rawn tarlang ve leh dawn a ni.
10. Spain chuan Euro tournament khata an goal khung tam ber ang an khung leh
2020 Euro game an khelh hmasak bernaah Czech Republic hmachhawnin 1-1 in an draw pui, an game hnihnaah Poland chu 1-1 in an draw leh. Mahse, group game hnuhnung berah erawh Slovakia an hmachhawn a, 5-0 lai maiin hnehna an chang a, Round f 16 an lut a ni.
Round of 16 ah 2018 FIFA World Cup Finalist Croatia an hmachhawn a extra time an khelh hnuin Spain lamin 5-3 in hnehna an chang a ni.
Quarter final-ah Switzerland hmachhawn lehin extra time an khel leh a, hun pangaiah 1-1 a an indraw hnuin penalty shootout hmangin hnehna an chang hram a ni. Extra time vawi 2 lai an khel tihna a nih chu.
Euro 2020-ah Spain hian goal 12 lai an khung tawh a, hei hi a hmaa an goal khung that ber a ni. Tun Euro 2020 ah hian Euro season khata an goal khung tam ber record an siam thei dawn niin a lang.
9. Euro 2020 ah hian own goal vawi 10 lai a lut tawh a, hei hi Euro tournament danga own goal zawng zawng belhkhawm aiin a tam tawh zawk.
Euro vawi 15 khelh tawh atanga own goal lut zawng zawng belhkhawm chu vawi 9 a ni. Mahse, tun tum Euro 2020 ah erawh vawi 10 lai own goal a lut tawh.
Mahni lama ti goal tu te chu, Merih Demiral, Mats Hummels, Ruben Dias, Raphael Guerreiro, Wojciech Szczesny, Lukas Hradecky, Martin Dubravka, Luraj Kucka, Denis Zakaria, Remo Freuler te anni.
8. Italy in Euro record thar an siam, qualifier match chhiar telin vawi 15 lai mai a zawnin hnehna an chang tawh
2018 FIFA World Cup-ah khan Italy chu an khel pha lova, hemi hnu atang hian Roberto Mancini leh a nauten tlawmni hmel an hmu tawh lo.
Euro 2020 Semi final-ah Spain an hmachhawn leh dawn a, hnehna an chang leh thei ang em le.
7. Denmark chuan kum 29 chhungin a vawikhatna atan European Championship semi final an lut.
Kum 1992 khan Denmark chuan Euro tournament ah semi final anlo khel tawh a, hemi hnu atang hian vawikhat mah Semi final an lut leh tawh lo. Mahse, 2020 Euro ah erawh a vawikhatna atan an lut leh. Semi final lut tawh zingah lut nawn leh har ber anni nghe nghe.
Euro 2020 semi final-ah England an hmachhawn ang.
6. Euro history-ah England chauh hi game 5 chhung a zawna cleansheet nei thei team hmasa ber anni.
5. England hian a zawnin game 7 chhung cleansheet an nei tawh a, an history-ah an neih rei ber a ni.
4. Jordan Henderson’an England tan game 62 a inlan hnuah a goal khatna a khung. Goal khung hmaa game khel tam ber record a siam
3. Patrick Schick hi European Championship history bikah season khata goal 5 khung thei player 9 na chiah a ni.
2. Harry Kane hi England player zingah Euro Knockout game khata goal 2 khung thei hmasa ber a ni.
1 Euro 2020 hi Euro season khata lu (head) hmanga goal tih luh tamna ber season a ni.
Tun Euro 2020 ah hian lu (head) hmanga tih goal hi goal 24 lai a tling tawh a ni.
Source Sportkeeda