Euro 2020 chu khelh tan a ni tawh a, match hmuhnawm tak tak kan en tawh a. Champion tur chuan hunrei tak kal a la ngai dawn a ni.
Euro 2020-ah hian player naupang tha tak tak te an khel nuk a, kumina hming chher tur pawh an awm nuk ang. Tun tumah hian Euro 2020 a tel player rang zual (fastest player) top 5 te kan rawn tarlang ve leh dawn a ni.
5 Phil Foden – England/Manchester City
Tunlai rawlthar tha zingah Phil Foden pawh hi a tel. A bik takin 2020-21 season khelh zawh takah khan a che tha hle a, England innghahna tak tak a ni thei mai dawn in a lang.
Foden hian quality a nei tha hle a, Manchester CIty rinrawl ber pakhat a ni mek. Ball a control thei hle a, a tlanchak em em bawk.
Kum 21 a upa chauh ni mahse, team tena an rin ber pakhat a ni mek. Euro 2020 khel zingah player rang pakhat a ni, kum 2019-a Aston VIlla an hmachhawn tumah khan a top speed chu 37.13 a ni.
4 Daniel James – Wales/Manchester United
Dan James hi Euro 2020 ah Wales tan a che tha nghal hle, An game hmasa berah Switzerland nen an khel a, Swiss defender te a tibuai hneh hle a nih kha.
Manchester United star James hi a che rang a, a tlan chak hle bawk. Kumin Euro ah pawh hian a chet that chhoh zel a rinawm. Euro 2020 khel zingah rang palina a ni.
3 Kylian Mbappe – France/Paris Saint-Germain
Euro 2020 khel zinga rang ber list-ah Kylian Mbappe hi a sang lam a ni lo, pathumna dinhmun a hauh. Kylian Mbappe tlan chak zia kan hre hlawm ngei ang. An tum pui tur defence tan chuan a huphurhawm thei ngawt dawn a ni.
2 Kyle Walker – England/Manchester City
Kum 31 laia upa Kyle Walker hi England squad-a upa ber chu ni lo mahse, a rang ber a ni.
Euro 2020 khel zingah player rang 2 na dinhmun hauhtu a ni.
1 Adama Traore – Spain/Wolverhampton Wanderers
Kum Euro khel zingah chuan a rang ber. Tun tum tournament-ah hian a che tha leh viau maithei.
Source SK