Kan hriat angin Euro 2020 Round of 16 chu khelh zawh a ni leh tawh a, champion tura rinkai tak tak Portugal, France leh Germany te an tla tawh a, quarter final-ah team che tha dang kan hmu leh dawn a ni.
An khelh tawh chinah player tha tak tak an awm nual a, tournament khelh zawh a nih hnuah tu berin nge Player of the Tournament award dawng ta ang le?
He award dawng tura an rin zingah Cristiano Ronaldo, Paul Pogba leh Kylian Mbappe te erawh an tel tawh lova, Player of the Tournament dawngtu tur erawh a la hriat theih lo. Hetihlai hian player tha te an la tang rih a, quarter final hi khel zo leh sela a chiang uar turah ngai ang.
Sportskeeda chuan Euro 2020 Player of the Tournament dawng tura rinkai ranking top 5 a tarlang a, kan rawn tarlang ve leh dawn a ni.
5 Raheem Sterling (England)
2020-21 season khan Manchester City tan duh ang thalin a che tha lem lo, hei vang hian Euro 2020 ah hian England tan a start ang em tih chu mi tamtak zawhna a ni.
Mi tamtakin sawisel mahse, Euro 2020 khelh mekah hian England tan goal 3 a khung der tawh. Group game a Croatia leh Czech republic an hmachhawn tum pawh khan goal khat ve ve a khung a ni. Kum 26 a upa Sterling hi a confi chho zel niin a lang, Quarter final-ah hian Ukraine an hmachhawn dawn a, goal a khung leh a rinawm.
4 Thorgan Hazard (Belgium)
Euro 2020 khelh mekah hian Belgium tan a unapa Eden Hazard aiin Thorgan Hazard-a a tangkai zawk titu an awm nuk.
Kum 2019 khan Borussia Monchengladbach atangin Borussia Dortmund a zawm a, a chet dan erawh a tha lem lo. Season khelh zawh takah khan Bundesliga match 8 ah chauh a start a ni.
Club level-ah attacker nimahse, Belgium manager Roberto Martinez chuan kum 28 a upa hi left wing back angin Euro 2020 ah hian a start tir a ni.
Thorgan Hazard hi Euro 2020 a Belgium player che tha ber pakhat a ni, match 3 a start atangin goal 2 a khung tawh, Portugal an hneh tuma goal khat awmchhung khungtu kha amah hi a ni.
3 Leonardo Spinazzola (Italy)
Mitamtakin Leonardo Spinazzola hi Euro 2020 ah Italy tan a chet that vak an ring lo, mahse, beisei phakbakin a che tha a ni.
AS Roma player hi Euro 2020 khelh meka left back tha ber pakhat a ni mek.
2 Pedri (Spain)
Kum 18 a upa chauh ni mahse, khawvel club lian ber pakhat tan a start a, a ram tan a start bawk. Euro 2020 khelh mekah pawh player che tha tak pakhat a ni mek.
1 Romelu Lukaku (Belgium)
Romelu Lukaku hi tuna a chet danah chuan Euro 2020 a player khel tha ber ti ila kan sawi sual awm love. Premiere League club lian Manchester United tana a khelh lai kha chuan hriatthiam a har a, mahse, Inter Milan tan erawh a che tha hle. Inter Milan chu Serie A nomawi a chawi pui nghal a nih kha.
Euro 2020 khelh mekah match 4 a start tawh atangin goal 3 a khung mek.
Source SL