Kan hriat angin Euro 2020 group stage chu khelh zawh a ni tawh a, tunah chuan knock out stage kan thlir thup mai, a hmuhnawm chhoh zel a rinaw. Tun tournament ah hian player tam tam an che that laiin, thenkhatte erawh beisei ang leh duh angin an che tha lem lo.
Tunah chuan round of 16 khelh a ni tawh dawn a, player tha tan chuan an theihna leh thiamna zawng zawng phawrh chhuah hun a ni. Engpawhnise, a hnuaiah hian Euro 2020 Group match khelh zawh tak atang beisei ang pha lo player tha 5 te kan rawn tarlang ve leh dawn a ni.
5 Phil Foden (England)
Euro 2020 khelhah hian England hi squad nei tha leh khawng ber pakhat anni. An squad-ah hian player tha leh quality neitha an awm ve nuk. Mahse, an game khelhah an che tha lo hle, Czech Republic nen an khelh tum, first half-ah kha chuan an khel tha viau chuan a lang.
Gareth Southgate chuan a vawikhatna atan Scotland an hmachhawn tum khan trio Phil Foden, Harry Kane leh Raheem Sterling te chu attacking ah dah a, mahse, goal an khung theilo.
2020-21 season-ah kha chuan Manchester City tan a che tha hle, mahse, tuntumah erawh beisei a phak loh hle. Foden hmun luah khattu tur atan Bukayo Saka a rawn lang a. Saka hian England attack lam a puih hle a, Mahse, Southgate hian round of 16 a Germany an hmawchhawn hunah Foden hi a luhtir leh a rinawm
Fans thenkhat Foden aia Saka luhtir duhtu an awm nual
4 Alvaro Morata (Spain)
Euro 2020 ah Alvaro Morata hi Spain tan centre-forward a experienced nei tha ber a ni. Mahse, tun hnaia Spanish national tana a chet danah a confi lo hle. Spain tan match hnuhnung 10 a khelh atangin goal 3 chiah a khung a, mahse, Spain boss Luis Enrique chuan kum 28 a upa experience nei hi a hmang a, duh angin a goal khung lamah a che tha lo.
Who scored dot com chuan Euro 2020 ah Morata aia chance hloh hnem an awm loh thu an tarlang. Chance tha lutuk mai vawi 3 a nei a, mahse, goal ah a chantir lo.
Slovakia nen an khelh tumah khan Morata hian penalty a pet goal lo a nih kha.
3 Ruben Dias (Portugal)
Ruben Dias hian Man City tan Premiere League lamah season khat chauh hmang mahse, Premiere League Player of the Year Award a dawng nghal a nih kha. English top flight ah hian season duhawm tak a hmang a, Pep Guardiola player che tha ber pakhat a ni.
Mahse, Euro 2020 khelh mekah duh angin a che thalo, Portugal defender mawng a pawp ti ila kan sawi sual awm love, game 3 an khelh tawh atang goal 6 lai mai an chhuah tawh a ni. Germany leh France an hmachhawn tawhah khan Dias hi duh angin a che tha lo.
Germany nen an khelh tumah phei kha chuan own goal te a nei a nih kha. Kum 24 a upa Ruben Dias hian Pepe hi a kawppui thiam vak lo niin a lang. Portugal manager Fernando Santos chuan tun aia a chet that thuai a ring.
2 Bruno Fernandes (Portugal)
Bruno Fernandes pawh hi club tan season duhawm tak hmang, mahse, Euro 2020 a che tha vak lo a ni. Manchester United midfielder Bruno hi 2020-21 season a a chet that angin Portugal tan a che tha lo. France an hmachhawn tum khan Santosh chuan bench ah a thuttir nghe nghe.
1 Harry Kane (England)
2020/21 season Premiere League top scorer leh assist nei tam ber a ni. England squad-a experience nei tha ber a ni a, mahse, Euro 2020 khelh mekah erawh engmah ala ti theilo. Croatia leh Scotland an hmachhawn tumah khan shot vawi khat chiah a nei ve ve.
Source Sportskeeda