Euro 2020 Last 16 chu zanin atangin khelh tan a ni a, quarter final lut turin ram hrang hrang te an khel leh dawn. Belgium leh Portugal pawh Pathianni zan khian Seville ah quarter final luh an inchuh dawn a ni.
Euro 2020 group stage khelhah khan Belgium (Red Devils) chu Group B ah awmin, game 3 an an khelh atangin hnehna an chang vek. Hetihlai in an tumpui tur Portugal erawh match 3 an khelh atangin vawi khat hnehna an chang a, vawi 2 draw an nei, Group of Death table-ah pathumna dinhmun an hauh a ni.
Belgium leh Portugal intum tur hi game hmuhnawm tak a nih a rinawm a, team tha ve ve an ni. A hmain Belgium leh Portugal hi an lo inhmachhawn zeuh zeuh tawh a, mahse, tun tuma an inhmachawn tur hi chu major tournament bikah an vawikhat inhmachhawnna a ni dawn.
Chak zawk tur han rinlawk mai pawh thil harsa tak a ni ngei ang.
2020 Euro round of 16-a an inhmachhawn dawn avangin, an player (combine) XI kan rawn tarlang ve leh dawn a, an position hi 3-1-4-2 a ni ang.
Goalkeeper: Rui Patricio (Portugal)
Centre-back: Jan Vertonghen (Belgium)
Centre-back: Pepe (Portugal)
Centre-back: Toby Alderweireld (Belgium)
Defensive Midfielder: Youri Tielemans (Belgium)
Right Winger: Diogo Jota (Portugal)
Attacking Midfielder: Kevin De Bruyne (Belgium)
Attacking Midfielder: Renato Sanches (Portugal)
Left Winger: Thorgan Hazard (Belgium)
Striker: Cristiano Ronaldo (Portugal)
Striker: Romelu Lukaku (Belgium)
Source Sportskeeda
Read More: Camp Nou lama kir leh rilruk, Barca player hlui
FC Barcelona player hlui Paulinho chuan Camp Nou lama kir leh a duh thu a sawi.
Paulinho hi Catalan club lian FC Barcelona-ah hian season chauh hun a hmang hman a 2017/18 khan match 47 a inlan a ni. Season khat a awm hnuah Blaugrana atangin Chinese Super League Guanzhou Evergrande a zawm a nih kha.
Evergrande lamah hian loan in a lut a, hemi hnu rei vak lovah a nghetin an la lut a ni. Kum 32 a upa hi Evergrande nen an inthen tawh a, free agent in a awm mek. Barcelona lamah a vawi 2 na atan huntha a inhawng a nih chuan luh a duh thu a sawi chhuak.
“FC Barcelona hi ka hriatchian team a ni,” tiin Paulinho chuan Mundo Deportivo a hrilh.
“FC Barcelona ah hian theihnghilh theih loh kum ka hmanga, League nomawi leh Copa del Rey nomawi kan chawi. Huntha dang te ka nei a nih chuan, chu chu kei leh ka chhungte tan thil tha tak a ni ngei ang, kir leh thei ka nih chuan ka lawm ngawt ang.”
“Ka tan chuan, pawisa chungchang emaw contract chungchangah buaina a awm lo. Hetiang thil hi Guangzhou ka chhuahsan lai khan ka lan tir tawh, China lama ka pawisa hmuh ai tlem daih ka charge tawh a ni.”
“Ka career ai sangah pawisa hi ka dah hmasa ngai lova, Barca lama kir leh turah pawh hian pawisa chu a pawimawh ber lo. Tunah chuan club lamin ka a free in min la lut thei dawn a, transfer fee an pek a ngai dawn lo a ni.” tiin a sawi bawk.
Source SL