2020 UEFA Euroean Championship atanga France an tlak hma khan, Paul Pogba chu Player of the Tournament a nih thu Wayne Rooney chuan a sawi.
Manchester United star Paul Pogba hi EUro 2020 ah France tan a che tha ang reng hle a, a chet dan vel chuan mi mit a la hle. Man of the Match award 1 pawh a dawng a nih kha.
Switzerland in round of 16 a an hneh tum pawh khan Pogba hia che tha hle a, hla deuh atangin goal pawh a khung nghe nghe.
Manchester United-ah khan Rooney hi Pogba kiangah a khel ve hman a, Euro 2020 a Frenchman passing chu tha a ti hle, key player a nih thu a sawi tel bawk.
“Mi tamtak rin dan ang thovin, keipawhin French hi champion turah ka ngai a, mahse, rinlo deuhin an tla a nih kha.” tiin Wayne Rooney chuan Sunday Times ah a ziak.
“Paul Pogba tan chuan a zahthlak mai thei. Euro 2021 atanga an tlak hma kha chuan Player of the Tournament a ni. Karim Benzema leh Kylian Mbappe ball a pass thin dan kha a tha tak zet.”
“N’Golo Kante nen midfield-ah an awm dun avangin a che tha pawh a ni maithei, mahse, chhan tha tak avangin Paul hi a position ah chuan a che tha ka ti tak zet a ni.”
“Manchester United lama a khelh dan pangai kan hmu aiin France tan hian a khel uluk zawk a, ball a dawng thei zel a, pass chhuah nan huntha a nei thei zel” tiin a sawi bawk.
Source SL