Euro 2020 last 16 thleng chinah Switzerland, Sweden leh Wales te chu boruaka zin thui/zin tam zual an ni. Mahse, England erawh an home/ram la chhuahsan lo awmchhun an la ni.
Robert Page enkawl Wales team te chuan Euro 2020 tournament knock out stage khel turin, Amsterdam thlen nan mel (miles) 5,000 chuang boruakah an thlawh a ngai dawn a, Denmark an hmachhawn dawn a ni.
Mahse, Euro 2020 chhungah an thlawh tawh zat belhkhawm zawng zawng chu Mel 5,382 a ni a, tah hian Baku leh Rome lama an khelh dawna an thlawh pawh a tel.
Swiss ho pawh hi an thlawk thui ang reng dawn a, Group match an khelh tawhah khan mel 1,240 an thlawk kual tawh a, Ukraine an hmachhawn hunah hian mel 5,362 lai an thlawk leh a, Euro 2020 khelh mekah an thlawh tawhna zawng zawng chu mel 7245 lai niin zin thui ber anni.
Hetihlaiin England erawh round of 16 an khelh thlengin an la zinchhuak lo hrim hrim a, England team chiah hi la zinchhuak lo awmchhun an ni.
Engpawhnise, a hnuaiah hian Boruak a thlawk thui emaw thlawk tam zual te kan rawn tarlang ve leh e. Hei hi Round of 16 a lut chin te niin, an zin tawhna mel (mile) belhkhawm a ni.
Switzerland – 7,245 miles
Wales – 5,382 Miles
Sweden – 5,362 miles
Belgium – 4,824 miles
Czech Republic – 4,646 miles
Ukraine – 3,757 miles
Portugal – 3696 miles
Austria – 3,495 miles
Croatia – 1,828 miles
Spain – 1,530 miles
France – 1,173 miles
Holland – 1,111 miles
Italy – 898 miles
Germany – 572 miles
Denmark – 395 miles
England – 0 miles
Source Mail Online