2020 EUFA European Championship khelh mekah England an champion thei a nih chuan, Manchester City star Phil Foden’an a sam a tih buang angin England player zawng zawng ten an ti buang ve dawn.
Manchester City rawlthar England star ni bawk Phil Foden chuan Euro 2020 khelh mekah hnehna an chang a nih chuan a English star zawng zawng ten a hnungzuiin an sam an ti buang ve vek dawn niin a sawi.
“Ka teammate te hnenah, hnehna kan chang a nih chuan, ka luhmeh dan anga met ve turin leh ti buang ve vek turin ka hrilh hlawm a, anni chuan min pawmpui.” tiin kum 21 a upa Phil Foden chuan talkSPORT a hrilh.
“Beiseina nen kan chak thei a nih ngat chuan, English player zawng zawng te sam meh dan chu a inang vek ang. Romania team te pawhin hetiang hi an ti tawhin ka hria, ka teammate te pawh ti ve turin ka hrilh a, a nuihzatthlak viau maithei.”
England in Euro 2020 match hmasa berah Croatia an hmachhawn a, hnehna an chang a nih kha, tah khan Phil Foden pawh haircut thar nen a game hmasa ber a khel a nih kha.
England hi champion in an sam ti buang vek mahse, a vawikhatna chauh a ni lova, kum 1998 World Cup lai khan Romania chuan England an hneh a, an vaiin an sam an ti buang vek a ni.
Source SL