Kan hriat angin Euro 2020 tournament chu Pathianni zan khan khelh zawh a ni a, Italy chuan England chu penalty hmanga an hneh hnuah a vawihnihna atan Euro nomawi an chawi a ni.
Wembley, London-ah kha The Three Lions lamin bul an tan tha hle a, Luke Shaw chuan minute 2 naah goal khungin, European Championship history-a goal rang ber a ni. Mahse, Italy defender Leonardo Bonucci chuan second half-ah draw na goal a khung leh a nih kha.
Regulard time leh extra time-ah goal dang a luh belh tawh loh avangin penalty hmangin tawp an khar. England n 2-1 a hma an hruai laiin, a zawnin vawi 3 lai mai an pet goal lo, Bukayo Saka chuan a pet goal loh hnuah Italy chu 3-2 in hnehna an chang.
Azzurri hian Kum 53 hnuah European Champinship nomawi an chawi ve leh thei a, hei hi record thar a ni, European history-ah gap awm thui ber a ni nghe nghe. Euro nomawi chawi tam zingah Germany (3), Spain (3) leh France (2) te anni a, anni hi Euro nomawi vawi khat aia tam chawi thei te anni hlawm.
Kumin European championship khelhah hian goal 142 lai a lut a ni.
Engpawhnise, tun tumah hian Euro 2020 a thil thleng thar top 10 te kan rawn tarlang ve leh dawn a ni.
10. European Championship history-ah a vawikhatna atan goal lut hmasa ber chu own goal a ni
Euro 2020 ah Turkey leh Italy te chu game khel hmasa ber anni a, Turkey lam atangin Merih Demiral chuan an lamah goal a ti lut palh a, hei hi Euro history bikah game hmasa bera own goal lut hmasa ber a ni.
9. Portugal superstar Cristiano Ronaldo hi Euro tournament vawi 5 khel thei leh vawi 5 a goal khung vek thei player hmasa ber a ni
Euro 2020-ah Hungary leh Portugal an inhmachhawn khan Cristiano Ronaldo pawh khelh ve lehin, kum 36 a upa C Ronaldo chu European Championship vawi 5 a khel thei player hmasa ber leh Euro vawi 5 a goal khung vek thei player hmasa ber a ni.
8. Italy forward Federico Chiesa chuan a pa Enrico Chiesa hnuhnung zuiin, European Championship history-ah pa-fa a goal khung thei hmasa ber anni
Kum 23 a upa Federic Chiesa hian Copa America-a Italy game 7 lai mai a khel a, Austria 2-1 an hneh tum khan goal a khung. A pa Enrico Chiesa pawhin Italy tan Euro ah goal a khung ve tawh a, anni pahnih hi pa fa a Euro goal khung ve ve thei hmasa ber anni.
7. Croatia leh Spain inkhelhah khan goal 8 lai mai a lut a, European Champioship history-ah game khata goal lut tam ber a ni.
Euro 2020 round of 16 ah khan Croatia leh Spain inhmachhawnin extra time an khelh hnuah Spain lam chuan 5-3 lai maiin hnehna an chang a, Euro history game khata goal lut hnem ber ala ni.
6. Euro danga own goal lut zawng zawng belhkhawm aiin Euro 2020 a own goal lut a tam zawk
Kum 15 liamta chhunga Euro own goal lut zawng zawng belh khawm chu gial 9 niin, 2020 Euro a own goal lut zawng zawng chu goal 11 a ni.
5. European Championship history ah England chauh hi game khelh hmasak ber atanga game 5 thleng a zawna cleansheet nei thei hmasa ber team anni.
4. Italy chu European Championship History ah a zawna hnehna chang rei ber anni, Qualifiers match telin
Euro qualifiers match tiamin a zawnin vawi 15 lai hnehna an chang yawh.
3. Mikel Damsgaard’an Direct freekick hmangin goal a khung a, Euro 2020 a direct free kick goal awm chhun a ni
Denmark leh Engkand khelh tumah khan Mikkel Damsgaard chuan free kick hmangin goal a khung a, kha goal kha Euro 2020 a direct free kick goal awmchhun a ni.
2. European Championship final a goal khung thei upa ber chu Leonardo Bonucci
Euro 2020 final ah khan England leh Italy khelin, England lamin goal an khung hmasa zawk a, mahse Second half ah Leonardo Bonucci chuan draw na goal a khung.
Tunah hian kum 34 a upa ni tawhin, Euro final history-ah goal khung thei upa ber a ni mek.
1 Europea Championship history-ah penalty shootout hmanga vawi 2 chak thei hmasa ber anni
Source Sportskeeda