Erling Haaland hian a nuapan lai atang tawhin Cristiano Ronaldo hi a idol a nih thu sawi mahse, Khawvel forward tha a tih pathum zingah a sawi tello a ni.
Norway international Erling Haaland hi tunlai football-ah chuan goal khungtu tha ber pakhat a ni a,
Tun season khelh mekah Erling Haaland hian Borussia Dortmund tan match 20 a khelh tawh atang goal 23 lai a khung mek a ni. Kum 21 a upa hian record a nei tamtak a khum tawh a, a che tha tak zet.
Tun hnai lawk khan interview neih pui a ni a, he interview ah hian football khawvela forward tha pathum an thlan tir a ni. Mak deuh maiin Manchester Untied forward C Ronaldo erawh tha a tih 3 zingah a tel ve lo.
“Khawvelah top 3 anni” tiin Erling Haaland chuan ESPN a hrilh.
“Robert Lewandooski hi pakhatna a ni a, Karim Benzema in a dawt, a ni pawh hi amak dangdai hle. Mahse, Lionel Messi pawh sawi hmaih theih a ni chuang lo.”
“Benzema hi pahnih niin, pathumnaah Lionel Messi a awm bawk.”
Erling Haaland’an tha a tih forward zingah hian Lewandowski leh Lionel Messi hian award an dawng a, The Best FIFA Men’s award dawngtu chu Lewandowski nii, Lionel Messi pawhin Ballon d’Or a dawng ve bawk.
Hetihlai hian Karim Benzema pawhin a ram France chu Nations League trophy a chawi pui ve a ni.
Source SL