Kan hriat angin Europe top team ten Erling Haaland hi an duhrawn a, tun tumah hian Borussia Dortmund striker hmalam hun tur chungchang tlema zawng kan rawn tarlang ve leh dawn a ni.
Borussia Dortmund star Erling Haaland agent chuan tun hnai lawk khan FC Barcelona leh Real Madrid te nen transfer chungchangah an inbiak thu a sawi a nih kha.
Transfer expert leh football journalist Kristof Terreur sawi dan chuan, Chelsea lamin lak an tum hnai hle tawh niin a sawi a, Season thar inbuatsaihna tur atan Haaland agent leh Chelsea lam pawh an inbe mek tawh niin a sawi bawk.
Borussia Dortmund lam hian an star man atan hian £154 million vel an hauh a rinawm a, Blues neitupa Roman Abramovich chuan Erling Halland man pek a inhuam tawh niin an sawi.
London club Chelsea chuan attacker tha an mamawh hle a, season tharah that zawk an duh a nih chuan striker thar pakhat tal an lak luh a ngai dawn a ni.
Olivier Giroud leh Tammy Abraham hi starter atan chuan an rintlak tak tak lo maithei a, Season khelh zawh takah khan Timo Werner chuan Prmeiere League match 35 a khelh atangin goal 6 chiah a khung a ni.
Erling Halland la theitu tur zingah hian Chelsea Football club an langsar hle a, season thar lo awm turah hian Chelsea lamah kan hmuh hmel.