Mizo Football

Erling Haaland pa in, a fapa ngaihtuah a sawi chhuak

Erling Haaland pa in, a fapa ngaihtuah a sawi chhuak

Borussia Dortmund striker Erling Haaland hi European clubs hrang hrang te target ber ani a, a pa chuan a fapa ngaihtuah a sawi chhuak a, a hmalam hun tur chungchang pawh a sawi tel.

Kum 20 a upa Erling Haaland hi kar liamta atang khan Real Madrid leh FC Barcelona nena sawi zawm an ni a, hei mai bakah Dortmund-ah kum khat ai tlem awm rih mahse, European clubs lian dang te nen pawha sawi zawm a ni.

2020 January transfer window inhawn lai khan RB Salzburg atangin Bundesliga club Borussia Dortmund a zawm a, Dortmund tan all competions-ah matchs 29 a khelh tawh atangin goals 27 lai a khung tling tawh a ni. RB Salzburg lama a chet that ang tho khan a che tha chhunzawm zel a ni.

Tun hnaia interview an neihnaah, a pa Alf-Inge Haaland chuan a fapa hian club dang a insawn a ngaihtuah loh thu leh, BVB atanga trophy lak chiah a ngaihtuah thu a sawi.

“I khelh that chauvin, clubs lian chauhvin an rawn ngaihven ang che, mahse, tunah chuan suangtuahna chungchang chauh kan sawi a ni” tiin a pa Alf-Inge Haaland chuan SPORT1 a hrilh.

“Tun dinhmunah rih chuan, Erling nena kan ngaituahnaah club dang reng reng a lo lo. Dortmund-ah hian hunrei tak awm turin contract kan sign a, tunah hian Erling Haaland tan chuan team tha tak an la ni. Hmundang zawn kha kan la duh lo”

“Eng thil nge thleng dawn tih i hre ngai lovang. Hmalam hun tur chungchang reng reng kan la sawi lo. Dortmund-ah hian trophies engemaw tal lak a duh ka ring. Hei hi a goal khungah a innghat. Erling hi Germany lamah hlawhtlinna tamtak a chang thei a, a ropui chho zel. Ram danga insawn chu kan thupui ber leh tih hmasak ber tur a ni lo”

“A chang chuan ti hian ka ngaihtuah ve thin, league tina khelh kual chu a duh ve ngei ang tiin. Mahse, tun dinhmunah rih chuan, Bundesliga lamah ala hlimin, Dormund tan a rilru a seng rih. Player tha tak nih a duh a, thui tak a la thlir rih lo” tiin a fapa chungchang a sawi.

Erling Haaland hian a career-ah senior club tan goals 76 lai a khung tling tawh a, Norway tan matchs 7 a khelh tawh atangin goals 6 a khung tling tawh.

SOurce SL

Please follow and like us: