SportBild in a tarlan dan chuan Erling Haaland la lut tum zingah Manchester United chiah hi an serious niin a tarlang. Borussia Dortmund forward hian season tawp rualin Signal Iduna Park chhuahsan a tum hle niin an sawi bawk.
European club hrang hrang ten Norwegian hi an duh a. Mahse, Manchester United chauh hi Erling Haaland lak luh tum zingah an serious niin report in a tarlang.
Haaland luhna tur hi hriat chian theih ala ni lova, rinlawk harsa tak a ni. A agent Mino Raiola chuan kar hmasa khan a player chungchang sawiin, Manchester City, Bayern Munich, Real Madrid leh Barcelona te chu Haaland luh theihna tur niin a sawi.
Atletico Madrid, Liverpool leh Chelsea te pawhin an duh ve deuh niin a sawi bawk. Mahse, mak deuh maiin Manchester United erawh Raiola club sawi zingah an tello a ni.
Erling Haaland lak luh tum zingah Manchester United an sang
Summer transfer window inhawn lai khan Chelsea leh Haaland hi sawi zawm an lo ni tawh a, mahse, Chelsea leh Dortmund lam an inrem hlei theilo. Haaland an lak luh theih loh avangin Chelsea lam chuan Romelu Lukaku lam hawiin, tun season tan tirh khan an la lut ta zawk a ni.
Thla hmasa khan Chelsea boss Thomas Tuchel chuan ti hian a sawi, player quality nei tha kan hmu a nih chuan Chelsea hian lak luh a hreh lo tiin a sawi. He thu a sawi hian Erling Haaland chu an lak tum ber a nih loh thu a chiang.
Real Madrid lam pawhin kum 21 a upa Erling Haaland hi Santigo Bernabeu lamah lak luh an duh ve niin an sawi a, hetih lai hian Paris Saint-Germain superstar Kylian Mbappe pawh lak luh an duh bawk, an pahniha lak luh chu Real Madrid tan thil awlsam a ni dawn lo, Kylian Mbappe hi an thlan zawk a rinawm.
Summer transfer hnuhnung berah khan Manchester City chuan Harry Kane lak luh an duh. Mahse, Spurs chief Daniel Levy chuan chhuah a phallo a, an la lut ta lo kha a ni. Mahse, Harry Kane hi tun season khelh mekah a che tha lem lo, Tottenham tan Premiere League goal 1 chiah ala khung thei rih.
Mahse, tunah chuan Manchester United chiah Erling Haaland lak luh tum zingah chuan an langsar ber tawh niin report in a tarlang a, United in an la lut thei a nih chuan C Ronaldo nen an inkawp ngei anga, attacking lamah chuan an bon viau maithei a ni.
Source SL