Kan hriat angin tun summer transfer window-ah Erling Haaland chu Premiere League lamah a insawn hnai niin report hrang hrangin an tarlang a, a hlawh duh zat pawh a tam ang reng hle.
Chelsea in Inter Milan atanga Romelu Lukaku an lak luh hma, season hmasa atang tawh khan Chelsea chuan Erling Haaland hi lak luh an lo tum tawh a, a agent Mino Riola pawh biak anlo tum hman tawh niin an sawi.
BILD in an tarlan dan chuan Dutch Italian super agent hian kum 21 a upa Erling Haaland hlawh atan kum khatah Euro maktaduai 50 (€50 million) lai mai a phut niin an tarlang. Hei vang hian London club hian lak chhunzawm an tum lo niin a lang.
Raiola pawh hian agent fees atan Euro maktaduai 40 (€40 million) lai a phut ve bawk niin an sawi.
Haaland hi Premiere League lama insawn tur anga sawi chhunzawm leh ani a, Manchester United hi amah la tur zingah an langsar hle.
Norway international Erling Haaland hi Red Devils boss Ole Gunnar Solskjaer hnuaiah alo khel thin tawh a, an ram club Molde tana a khelh laiin a ni. Nikum lam atang tawh khan a manager hlui Ole nen hian intawng leh tur angin an sawi bawk.
Real Madrid lam pawhin Erling Haaland hi lak luh an tum ve bawk, Borussia Dortmund tan match 63 a khelh atangin goals 62 lai a khung thei a ni.
Source SL