Eriksen inkhel hmuhnawm titu Paul Scholes

Manchester United legend Paul Scholes chuan a club hlui tana Christian Eriksen che tla vel chu hmuhnawm a tih thu a sawichhuak.

Tun nipui bazar a free transfer-a Old Trafford pantu Eriksen a insiamrem thuai a, Dutch manager Erik Ten Hag hnuaia player rinawl ber pakhat a ni.

Red Devils midfielder hlui Paul Scholes chuan inkhel muala Eriksen che tla vel chu hmuhnawm a tih thu sawiin,” Player fing tak a ni. Ani hi finna nena football khel thin player entirna tha ber a ni. Inkhel mualah a awmna a hrechiang em em a, chu mai bakah an tumpuite awmna chen in a hre kar bawk” a ti.

English international hlui chuan sawi chhunzawmin, “Fred leh Mc Tominay te lakah ka rawng mah mah em aw tih chu ka hre lova mahse anni pahnih hi chuan a tlangpuiin hnunglamah ball an pe deuh ziah. Forward goal khung chaka tuihal tan chuan hun khawhralna a ni ringawt. Eriksen erawh hi chu fing takin a che a, a ball pass fing lutuk leh a remhriatna hi Man Utd in an la tangkaipui zel anih hi” a ti.

Eriksen hian season hmasa khan Brentford chu hun reilote chhung atan a zawm a, mi tam takin relegate mai turin ngai hman tawh mahse Eriksen hian 2022-23 season ah Premier League an khelh leh theihnan a club hlui tan hian a thawhhlawk hle. Transfer bazar hnuhnung ber khan Brentford lam chuan Eriksen hi contract mawm zawk zawrh ve bawk mahse Danish international hian Old Trafford pan a thlang thung. Tun season-a Red Devils game zawng zawngah kum 30 a upa hi a la inlan kim vek a, assist vawi 2 a nei tawh bawk.

Related Posts

error: Content is protected !!