Eriksen an Newcastle atangin offer a dawng

Report in a tarlan dan in Danish international Christian Eriksen chuan Newcastle United atangin offer a dawng.

Brentford a a contract neih lai hmang zo tawh mai tur Eriksen hi tun nipui transfer bazar ah club tam tak nen sawizawm mek ani a, June ni 30 a a contract a zawh hunah a duh zawng tak club a pan thei ang.

The Times tarlan danin Eriksen duh tu zinga club tam takah Magpies an tel. Christian Eriksen hian European football a khelh chak thu sawi mahse club hausa Newcastle United sawmna hi a hnar thei kher ang em tih chu zawhna awm ani. Eriksen duh tu club dang leh chu Manchester United niin manager Ten Hag an a midfield lai tichak turin lakluh a duh.

Eriksen hian tun kum January khan Brentford ah short-term contract ziakin Bees tan vawi 11 chauh inlan hman mahse goal 1 leh assist vawi 4 nei hman in season tharah Brentford in Premier League an khelh leh theihnan a thawhhlawk hle.

Karleh a international players te’n pre season training zawm tura club a an kir hunah Spurs midfielder hlui hian a khelh leh zelna turah thutlukna a siam rin ani.

Related Posts

error: Content is protected !!