Erik ten Hag chuan Cristiano Ronaldo chu Manchester United-a la awm rih turin a duh a, team thar a din turah C Ronaldo a tel dawn lo tihna a ni lo tiin a sawi bawk.
Tun season khelh zawh rualin Dutch coach Ten Hag hian Old Trafford a zawm ngei a rinawm ta a. Ten Hag’an United a enkawl a nih chuan thil tam tak a thlak danglam ngei dawn a, player lut leh chhuak pawh an awm nuk a rinawm.
Hetihlai hian Cristiano ROnaldo hmalam hun chungchangah sawi a tam ang reng a, Manchester United an chet chhiat em avangin chhuahsan a duh niin sawi a awm.
Ballon d’Or award vawi 5 dawngtu hian summer transfer hnuhnung ber khan Juventus atang a club hlui Manchester United hi a zawm a, Premiere League match vawi 29 a inlan atang goal 18 a khung a ni.
Ronaldo hian Manchester United down vak tur a chhanchhuak ti ila kan sawi sual awm love, mahse, cup competition atang an tla vek tawh a, Premiere League top 4 pawh an hauh phak kher a rinawm tawh lo.
Telegraph in a tarlan dan chuan, Erik ten Hag hian C Ronaldo chu United lama la awm rih turin a duh niin an tarlang a, Erik ten Hag squad-ah first team member pakhat leh key player ni ngei se tih a duh niin an tarlang bawk.
C Ronaldo hi United-ah la cham rih mahse, season tharah khi chuan game tinah a start kher a rinawm tawh lo a ni. C Ronaldo’an contract a hman zawh hmaa club lamin an chhuahtir a nih chuan, club tan thil attthlak tak a nih tur thu Erik ten Hag chuan a sawi.
C Ronaldo hian kum khat daih contract ala nei a, mahse, Man United in Champions League an khel theilo a nih chuan a chhuah ngei a rinawm, chhuah a duh miau chuan Erik ten Hag leh club board lamin tih theih anneih loh thu utdreport chuan a tarlang.
Source SK
