Ajax boss Erik ten Hag chu Manchester United managerial hna thawk tura rinkai ber ala ni chhunzawm zel ninn The Mirror in a tarlang.
Kan hriata angin Manchester United chuan kum 2 leh a chanve hnuah Ole Gunnar Solskjaer’an result tha a hlawhchhuah pui theih mang loh avangin, thla hmasa khan an manager atang an ban nih kha.
Old Trafford lama Ralf Rangnick a luh hnu hian Red Devils lamin Premiere League game 2 ah a zawnin hnehna an chang tawh a ni. Season tawp rualin Man Utd lamin Rangnick hi manager pangai anga an lak luh an tum nia sawi a awm.
Hetihlai hian Manchester United lamin plan an neih dan chuan summer transfer lo awm turah khian hunrei tak manager anga an kawl theih tur zawn an rilruk niin an tarlang bawk. Red Devils leh manager tha tamtak te sawi zawm anni a, Paris Saint-Germain boss Mauricio Pochettino pawh a tel nghe nghe.
Mahse, Ajax coach Erik ten Hag chu Old Trafford lama manager hna chelh tura rinkai ber a nih thu report in a tarlang. An lak theihna tur chhan pahnih a awm bawk niin an sawi.
Manchester United lam hian Erik ten Hag an duhna chhan pakhat chu player talent nei tha a chawm puitling thei niin an ngai. Kum 51 a upa hian Frenkie de Jong, Matthijs de Ligt leh Donny van de Beek te a la lut a, a hnu rei vak lovah player tha tak niin sum tam tak hmangin an zuar chhuak leh a ni.
Erik ten Hag enkawl Ajax team ah hian player naupang tha tak ramchhung leh Europe lam pawha che tha an awm nuk mai, Ryan Gravenberch, Noussair Mazraoui leh Jurrien Timber te hi tun atanga rei vak lovah man to tak takin an hralh chhuah thuai a rinawm.
Erik ten Hag hian Man Utd player ni mek, Premiere League lama che tha vak lo te hi player thaah a chhuah thei dawn niin mi tamtakin an ring. Ajax star Sebastien Haller, Davey Blind, Davy Klassen, Steven Berghuis, Dusan Tadic leh Maarten Stekelenburg te pawh hi Ajax an pan hma kha chuan an che tha lem lo, mahse, Ajax lamah erawh hma an sawn hle.
Manchester United hian hunrei tak atan Erik ten Hag hi la lut ta se, an that pui mai lovang maw?
Manchester United target Erik ten Hag hnuaiah Ajax an sang hle
Tunah hian Dutch Eredivise hmahruaitu chu Ajax hi anni a, match 15 an khelh atang point 36 lai an hlawhchhuak tawh. Tun season-ah an champion leh a nih ngat chuan a zawnin league title vawi 3 an chawi dawn tihna a ni.
Ajax Amsterdam hi Champions League lamah pawh an che tha a, tunah hian round of 16 an lut leh der tawh. Group khatah Borussia Dortmund, Sporting Lisbon leh Besiktas te nen awmin, game 6 an khelh atang gam 6 ah hnehna an chang vek. Ten Hag hi a hmel en reng reng pawhin pafing tak hmel a pu a ni.
Source SK