Tun summer transfer hi Barcelona tan chuan buaina lian tak pakhat a ni. An squad thuam that an tum ruh hle. Season tharah an squad that theihna turin chuan an player neihsa te hlawh pawh tihhniam an pawi tilo a ni.
Barcelona hian an player tha thenkhatte pawh an chhuahtir tawh a, rawlthar talent nei tha Junior Firpo, Jean Clair Todibo, leh Carles Alena te chu an zuar chhuak tawh a, anni pathum man belhkhawm zawng zawng hi €28.50 million lai a tling. Hetihlai hian Juan Miranda pawh a free in chhuah phalsak a ni, Francisco Trincao pawhin loan in Wolves a zawm ve bawk.
FC Barcelona chuan an superstar Lionel Messi chu chan an hlau rih deuh niin a lang, ani hi June thla tawp rual khan Camp Nou lama contract a neih a zova, tunah hian free agent in a awm mek. Thuthang tamtak hre mah ila, Catalan club lian Barcelona chuan an la chelh rih dawn niin a lang.
FC Barcelona in kum 5 chhung atan Lionel Messi chu Contract thar an ziah pui leh
Source hrang hrangin an tarlan dan chuan Lionel Messi hlawh chu 50 percent lai maia a hlawh tih hniam sak an tum niin an sawi a, kum 5 chhung atan contract an zawrh leh a ni. Tun atanga rei vak lovah hian contract thar a sign ngei a rinawm.
Season hmasa zawk atang khan Lionel Messi chuan club chhuahsan alo tum tawh a, tun tumah erawh a chhuah loh hmel. Attacking lamah amah puih turin Memphis Depay leh Sergio Aguero’an Barcelona an zawm tawh a, Defence lamah pawh Eric Garcia leh Emerson Royal an la lut bawk a, Messi tan chuan han cham chhunzawm mai chu a thlan awm zawk tawh maithei.
Engpawhnise, Transfer zawha FC Barcelona line up dan tura rinkai hi kan rawn thailang ve leh ang nge?
Goalkeeper: Marc-Andre ter Stegen
Defense
Left-back: Jordi Alba
Center-back: Gerard Pique
Center-back: Ronald Araujo
Right-back: Sergino Dest
Midfield
Central Midfielder: Pedri
Central Midfielder: Frenkie de Jong
Defensive midfielder: Sergio Busquets
Attack
Left-winger: Memphis Depay
Striker: Sergio Aguero
Right winger: Lionel Messi
Hetiang hian Barcelona in Line Up an siam theih chuan an tha dawn hle mai.