‘English player te duhsak bik anni’ a tih chungchangah Carragher an Bailly a chhanglet

Eric Bailly an English player te duhsak bik an ni tia Manchester United a puhchhiat chungchangah Liverpool legend Jamie Carragher chuan Ivory Coast international hi a dem.

Bailly hian 2016 khan Villareal atangin Manchester United a zawm a, Red Devils tan a che ropui lem lo. Tun nipui bazar khan Ligue 1 club Olympique Marseille chuan season khat chhung atan loan in an lalut a, an duh chuan season tawp rualin a nghetin an lalut thei bawk ang.

Bailly hian Old Trafford ah inkhelh hun a chang tam thei meuh lova, 2019 a Harry Maguire an Man Utd a zawm hnu phei chuan a inkhel tawh mang lo a ni ber. Season hmasa khan Red Devils tan inelna hrang hrang game 7 ah bak a inlan lo.

Loan a Marseille a zawm hnuin kum 28 a upa hian Manchester United chunga a lungawihloh thu a chhakchhuak a, a club hlui hian English player te an duhsak bik niin a ngai.

Liverpool defender hlui Carragher erawh in Bailly thusawi chu thu belhchiandawllo mai anih thu sawiin,” Thu belhchiandawllo mai a ni. Eric Bailly kha a inhliam ngun em em a, a inkhelh ve tum pawh in a khel tha tawk lo. Chumi avang lawm a thlaktu tur player thar pawh an lakluh reng ni. Ani (Bailly) ai chuan Harry Maguire a tha zawk” a ti.

£30 million a Man Utd zawmtu Bailly hian Old Trafford a kum 5 a cham chhung khan inelna hrang hrang ah game 113 chauh a inlan. Tin, Manchester United hian an defender loan a an chhuah tak thusawi hi an lo uksak vak lem lo ni pawh in a lang. Naktuk zanlai ah Red Devils hian Europa League game hmasa ber atan Real Sociedad an hmachhawn dawn a, chumi tur atan a inbuatsaih mek zel.

Related Posts

error: Content is protected !!