Site icon HUAPZAU

‘A ngawichawi a, Field chhungah erawh chuan ramsa ang mai a ni’ tiin Ferdinand’an Ronaldo leh Rooney te anga thawkrim player a sawi.

Manchester United player hlui Rio Ferdinand chuan Carlos Tevez chu Cristiano Ronaldo leh Carlos Tevez ang maia a thawhrim ve thu a sawi.

2007-09 season inkarah khan Tevez hi Man Utd lamah alo khel ve tawh a, inelna hrang hrangah United tan match 99 inlanin goal 33 a khung a, assist vawi 14 a nei tling ve hman a ni. Rio Ferdinand chuan Youtube channel lamah Tevez chungchang a sawi.

“Tevez hming i mention anih chuan, a hming sawi lan loh chuan a chungchang hi ka hrilh thei lovang che, player mak dangdai tak a ni.” tiin Rio chuan a sawi.

“Pa ropui tak a ni, ngawichawi tak a ni a, mahse, field chhungah chuan ramsa ang mai a ni. Training naah ka teama tel turin ka duh lo, mahse, game-ah chuan, ani lo thlan tur dang an awm lo maithei.” tiin a sawi bawk.

“Training naah amah leh amah a in manage a. Amah a incontrol avangin, training naah chuan a thahrui a hmang vak ngai lo. Game kan khelh tawh erawh chuan a thawkrim hle, midang zawng ai pawhin a thawkrim zawk, a bei nasa hle a, tuman an tluk lo a ni.” tiin a sawi belh bawk.

Kum 2009 khan Tevez chuan Manchester United atangin City a zawm a, inelna hrang hrangah match 148 inlanin goal 73 a khung mai bakah assist vawi 35 a nei tling.

Advertisements
Advertisements
Exit mobile version