Kan hriat angin England chuan Wembley Stadium-ah Italy an hmachhaen dawn a, referee atan khawvel referee hausa ber Bjorn Kuipers an hmang dawn niin Sportbible chuan a tarlang.
The Three Lions hian Kum 1966 hnuah a vawikhatna atan nomawi chawi an tum ruh hle a, Wembley-ah hian Bjorn Kuipers a referee ang.
Bjorn Kuipers hi international levelah kum 15 chhung teh meuh mai alo referee ve tawh a, a hmel pawh in hre tawh thin maithei. Mahse, a hausak leh sum dinhmun erawh in la hriat a rinawm lo.
The Sun in a tarlan dan chuan Dutchman Bjorn Kuipers neih hlut zawng hi kum 2016 khan £11.5 million lai a tling niin an tarlang. An ramah phei chuan Entrepreneur hriat hlawh tak ani nghe nghe.
Supermarket chain hmuchhuah, Jumbo Kupers phei chu Netherlands leh Belgium-ah a run a, a nupui Marlies tan hair salon a hawnsak bawk.
Kum 48 a upa Bjorn Kuipers hi a sumna avangin Best Franchise-ah an thlang a ni.
Kuipers hian Redboud University atangin Business Administrative degree a la a, a nihna a hrechiang hle.
2014 FIFA World Cup match khelah England in Italy 2-1 a an hnehlo tum pawh khan Kuipers hi a referee tawh a ni.
Source SL