Zanin zanlaia khelh tur Euro 2021 final England leh Italy squad atang club lama inteammates awm te kan rawn tarlang ve leh dawn a ni.
Gareth Southgate leh Roberto Mancini squad tur pawh a chiang thawkhatin a lang. Players tha thenkhatte pawh squad-ah an tello maithei. Hetihlai hian player thenkhatte tan erawh an ram history thar siam theihna a ni dawn. Tun tumah hian club lama in teammates player te kan rawn tarlang leh dawn a ni, Euro 2020 khelh zawh hian club lamah an khel tlang leh hlawm ang.
Manchester City Stars
England leh Manchester City te hi kum 10 liamta chhung vel atang khan an thawkdun tha hle a, tun tum Euro final-ah pawh hian Man City player tha an tel leh nual, John Stones, Phil Foden, Kyle Walker leh Raheem Sterling pawh Wembley lamah rinrawl ber anni leh dawn. 2020/21 season khelh zawh takah khan Pep Guardiola chuan Raheem Sterling hi game pawimawh thenkhatah a tel tam tir vak lo a nih kha, Mahse, England coach Gareth Southgate hnuaiah erawh a pawimawh hle, Euro 2020 khelh mekah goal 3 a khung tawh mai bakah assist vawi 1 a nei tawh a ni.
Chelsea crew
Italian player Emerson leh Jorginho chuan Chelsea lama an team mates Ben Chilwell, Mason Mount leh Reece James te an hmachhawn ang. Jorginho hi England midfielder pahnih Declan Rice leh Kalvin Phillips te laka experience tlema zawng nei tawh a ni. Chilwell leh James erawh Southgate hnuaiah duh angin an khel tam lo. Mahse, Euro 2020 ah hnehna an chang thei a nih chuan an tan a duhawm tho. Chelsea tan UEFA Champions League nomawi an chawi tawh a nih kha.
Juventus Quartet
Leonardo Bonucci, Giorgio Chiellini, Federcio Chiesa leh Federico Bernardeschi te hi Juventus lamah dressing room khata awm anni hlawm. Anni pali hi Euro 2020 ah Italy tan an pawimawh hle. Chiesa hian semi final an khelh tuma goal pawimawh tak khungtu a ni.
Serie A champions
Serie A champions Inter Milan hian player 2 an thawh chhuak, Nikola Barella leh Alessandro Bastoni a ni. Euro 2020 final ah hian nomawi an chawi thei mai ang em?
Maguire, Shaw, Rashford, Sancho
2021/22 season-ah Jadon Sancho chu Manchester United player a ni tawh dawn. Gareth Southgate hnuaiah Harry Maguire leh Luke Shaw hi England tan player pawimawh tak anni mek.
Source AF