Naktuk zan dar 9 leh a chanveah khian England chuan Wembley Stadium-ah Germany a mikhual dawn a, Euro 2020 Round of 16 an khel dawn a ni. Inkhelh hmuhnawm tak a ni ngei ang.
England leh Germany team te hian player talent nei tha tak tak an nei nual a, mahse, team pahnih atang hian pakhat zawk zawk an tlak a ngai dawn a, pakhat zawk zawk chu Quarter final an luh ngei a ngai bawk.
Kum 5 liamtaah khan Round of 16-ah The Three Lions hi Iceland lakah an lo tlawm tawh a. Kumin Euro round of 16 ah pawh hian team tha tak pakhat an hmachhawn leh dawn a ni. An hmachhawn tur Germany hi an che tha hle a, Euro hnuhnung vawthum an khelh tawhah quarter final an la thleng ziah.
Germany leh England hi World Cup leh European championship-ah hian an inhmachhawn ve zeuh zeuh thin tawh a, tun tumah pawh hian an inhmachhawn leh dawn a, tu zawk nge tlang ta ang le.
2010 FIFA World Cup ah khan Germany chuan 4-1 lai maiin England hi an lo hneh tawh a, November 2017 khan Wembley-ah friendly match khelin goal awm lovin an indraw a ni.
Engpawhnise, Euro 2020 Round of 16 an khelh turah hian Combined XI kan rawn tarlang ve leh dawn a ni, hei hi Sportskeeda ina a tarlan a ni.
Goalkeeper: Manuel Neuer (Germany)
Centre-back: Kyle Walker (England)
Centre-back: Mats Hummels (Germany)
Centre-back: Antonio Rudiger (Germany)
Right Wing-back: Joshua Kimmich (Germany)
Defensive Midfielder: Kalvin Phillips (England)
Left Wing-back: Robin Gosens (Germany)
Attacking Midfielder: Thomas Muller (Germany)
Right-Winger: Kai Havertz (Germany)
Striker: Serge Gnabry (Germany)
Left Winger: Raheem Sterling (England)
Source Sportskeeda