England midfielder Walsh in City atangin Barca a zawm fel

Hmeichhe lama player transfer man to ber ni turin Keira Walsh chuan Manchester City atangin Barcelona a zawm fel. Walsh transfer fee hi chiang taka tarlan nilo mahse £350,000 vel a ngaih a ni.

A hma in he record siamtu chu Pernille Harder a ni a, Harder hian September 2020 khan Wolsburg atangin £300,000 in Chelsea a zawm.

City hian Walsh chungchanga Barca offer vawi tam hnawl zet mahse season khat bak club a contract nei tawh lo Walsh chu a tawp a tawpah an chhuah ta nge nge a ni. Man City chuan WSL transfer bazar inkhar hma ngei a Walsh thlaktu tur lakluh an tum nghal.

Women’s Euro 2022 a England an champion theihnan Walsh hian tha a thawhhlawk hle a, final a Wembley Stadium a Lionesses in Germany an hneh tum pawh khan Barca player thar hi woman of the match a thlan a ni nghe nghe bawk.

Kum 25 a upa hian City tan 2014 khan a inlan tan a, game 189 inlan tawh in goal 8 a khung. Tin, a ram England tan pawh vawi 49 a inlan tawh bawk.

City hian tun nipui bazar khan player tha an chan nual a, Caroline Weir, Georgia Stanway leh Lucy Bronze te chuan Real Madrid, Bayern Munich leh Barcelona te an zawm.

City women’s team te hian 2022/23 season a an game hmasa ber chu tun Pathianni zan dar 7 hian an khel tan dawn a, Arsenal an lo mikhual ang. Sky Sport atanga match hi en theih a ni bawk ang.

Related Posts

error: Content is protected !!