Manchester United manager hlui Jose Mourinho chuan ti hian a sawi, ‘Ka tan chuan England versus Germany hi last 16 a ni lova, semi final ang a ni.’ tiin a sawi.
Kan hriat angin zanin dar 9 leh a chanve hian England chuan Wembley Stadium-ah Germany an mikhual dawn a, zanina chak zawk zawk hian quarter finals ah Sweden emaw Ukraine an hmachhawn ang, quarter final ah hnehna an chang leh a nih chuan, semi final ah Czech Republic emaw Denmark an hmachhawn leh dawn a ni.
Mahse, kumin Euro zawng rinlawk harsa tak ani, team zawng zawng hi an hlauhawm vek a, chak ngei ngei tura kan ngaih te an chak lova, chak lo tura kan ngaih te an chak leh lawi si. Mahse, England emaw Germany tan chuan chance a tha thei viau dawn niin a lang.
Gareth Southgate pawh Germany laka record an neih that loh avangin a lungngai lova, hnehna chan a tum ruh hle.
Ka pawngpaw puithu lova, history ka thlir let hek lo. Engtirnan, St James Park ah record chhe tak ka nei, mahse, ka record neih chu ka ngaihtuah let ngai lo, engtikniah emaw hnehna ka la chang ngei ang tiin Gareth Southgate chuan a sawi.
Jose Mourinho pawhin England leh Germany team ten chance an neih that zia a sawi a, tuna an khelh tur pawh hi semi final khel ang maiah ngaiin, a chak zawk zawk chu final lut tur angin a sawi.
Source The Sun Football