Paris Saint-Germain in Lionel Messi an lak luh khan Jersey number 30 a ha a, Neymar erawhin number 10 a ha thung. Nizan French Cup match PSG leh OGC Nice inkhelhah khan Messi chuan Jersey number 10 a rawn ha hlawl mai, hei hian mi tamtak a barakhaih hle a nih kha.
Nizan inkhelhah khan Lionel Messi chuan a hak pangai jersey number 30 ha lovin, jersey number 10 a ha ta zawk a ni. Nizan inkhelhah khan Neymar erawh a tel thei lova, Messi’an a hmangaih leh duh ber jersey number 10 hak theihna hun an siam sak mai bakah PSG jersey number 1-11 ten an start thei a ni.
Lionel Messi hian Barcelona leh Argentina tan jersey number 10 hmangin thil tamtak alo tih sak tawh a. Nizan match erawh PSG plan ang a ni lo tlat, penalties hmangin Nice lakah an tlawm a, French Cup atang an tla nghal a ni.
Nizan inkhelhah khan Kylian Mbappe pawh bench atanga rawn lut mahse, PSG a chhanchhuak zo chuang lo.
Source SK
