Eng vangin nge C Ronaldo’an Man Utd leh Portugal tan kawr ban tlawn a hak tam zawk?

Pitch chhungah Cristiano Ronaldo’an theihna a neih nasat sia kan hria a, mahse, eng vanga kawr ban tlawn (long sleeves) ngawt ha thin nge a nih tih erawh kan hre kher lo maithei?

Manchester United leh Portugal forward C Ronaldo hian kawr ban bul aiin kawr ban tlawn a ha tam zawk tih chu kan hre fur ang. Nipui (summer), temperature san lai pawhin kawr ban tlawn tho hi a inbel chang a awm fo mai.

Goal chuan C Ronaldo’an kawr ban tlawn a hak thin chhan ni thei an tarlang a, kan rawn thai lang ve leh zuai dawn a ni.

Official takin C Ronaldo’an kawr ban bul aia kawr ban tlawn a thlan chhan hi a awm lova, mahse, sawifiahna tamtak a awm thei ngei ang.

A hmasa berah chuan kawr ban tlawn a hak chhan nia lang thei pakhat chu kawr ban tlawn hian mi a tuam lumin, mi a veng ve thei, a bik takin thlasik lai vel hi chuan a tangkai tak zet. C Ronaldo hi Europe club tan chauh football a khel thin a, thlasik thla hrim hrim a nih tawh hi chuan a vawtna thei em em a. A bik takin United Kingdom (England) hi a vawt zual em em a ni. Hei vang hian player te tan kawr ban tlawn hak chu a tha em em a, khawvawt lakah a veng ve a ni.

Mahse, a pawimawh lai ber chu Cristiano Ronaldo hian khaw awm dan (weather) avangin kawr ban tlawm hi a inbel kher lo tih a chiang. Euro 2020 khelh hun lai vel kha khawlum vang lai tak (summer month) a ni.

Chhan dang awm leh thei chu, C Roanldo hian kawr ban tlawn hak hi ama hriat ve na (signature) atan hian a hmang ve a niang pawh a tih theih.

David Beckham pawh football a khelh lai khan kawr ban tlawn ngawt a ha thin a, chutiang bawkin Fernando Torres pawhin a ha ve bawk.

Euro 2020-ah khan C Ronaldo chuan kar ban bul a ha leh hlauh mai. Kha tih lai khan group stage match German nen a inhmachhawn a, first half-ah kawr ban tlawn ha in, second half-ah erawh kar ban bul a rawn ha leh daih mai.

Kha match an khelh lai vel kha a lum vang lai tak a ni a, 30 degree celcius lai maia lum a ni. C Ronaldo chuan a lum lutuk avangin kawr ban bulah a thlak pawh a ni thei.

Euro 2004 leh World Cup 2006-ah khan C Ronaldo chuan kawr ban tlawn inbelin, mittui nen tournament a khar a nih kha. Hei vang hi a ni chek ang, Tournament dang kum 2 chhung chu kawr ban bul ha in, Euro 2021 ah pawh khan kawr ban bul a rawn hak leh avang khan a ni maithei, Euro 2021 Semi final-ah an tla leh ta a ni.

Kawr ban bul ai kawr ban tlawn hak chu a vanneih pui zawk a ni thei mai ang em?

Source GOAL

Related Posts

error: Content is protected !!