Elon Musk hnena Twitter Blue Tick diltu Riyad Mahrez

Manchester City winger Riyad Mahrez chuan Twitter neitu thar ni mai tur Elon Musk hnenah thil pakhat phut a nei a, chu chu Twitter “blue tick” hi a ni.

Kum 29 a upa Riyad Mahrez hi Cityzens tana player che tha tak pakhat a ni a, tun season khelh mek all competition ah match 43 a khelh atang goal 23 a khung a, assist vawi 9 a nei tling bawk.

Tun season khelh mekah hian Mahrez hi Manchester City player goal khung tam ber a ni mek a, Champions League semi final second leg Real Madrid nena an khelh turah pawh hian player pawimawh tak a nih ngei a rinawm. Mahse, Social media platform pakhat Twitter lama blue tick a neih loh hian a ti buai ve duh niin a lang.

Algetia international Mahrez hian Twitter lamah followers 3 million chuan a nei a, kum 2013 khan a account te setting tha vek mahse, verified ala ni chuang lo.

Mahrez chuan blue tick a neih theih ngei nan a bei ve nasa hle a, Twitter neitu thar ni thuai tur Musk hnenah blue tick a dil thuai a ni.

BBC News in an tarlan dan chuan Tesla and Paypal founder Elon Musk chuan $44 billion lai maiin social media network Twitter chu enkawl a duh niin an tarlang. Ryad Mahrez’an a dilna pawh hi ala reply chuang lo.

Twitter lama Ryad Mahrez’an blue tick a dilna hian fans thahnem takin an reply nasa hle. Reply na chhiar a nuam tak zet.

Source SK

Related Posts

error: Content is protected !!