Arsenal legend Ian Wright chuan hahipin Liverpool star Trent Alexander-Arnold a fak. A bik takin tun season-a a chet dang avangin a fak hle a ni.
Tun season khelh mekah right back Trent Alexander-Arnold hi Jurgen Klopp hnuaiah a che tha ang reng a, all competion ah match 25 a inlan atang goal 2 a khung mai bakah assist vawi 14 lai a nei tling mek. Premiere League khelh mekah pawh ani aia assist neihnem an awm lo, vawi 10 lai a nei tling tawh a ni.
Alexander Arnold hi Goal lamah a thawhhlawk viau a, hemi piah lamah pawh minutes 90 chhunga progressive pass nei tha ber a ni nghe nghe.
50 Premier League players have 4 progressive passes from open play per 90 minutes.
— John Muller (@johnspacemuller) January 25, 2022
21 players have 5.
5 players have 6.
2 players have 7.
0 players have 8, 9, or 10.
Trent Alexander-Arnold has 11.
“Trend hi pangpar pek ka duh, a chhan chu a chet dan stats ka chhiar fuh tlat. Premiere League player 50 velin minutes 90 chhungin progressive passes vawi 4 vel annei a, Players 21 in progressive passes vawi 5 annei a, player 5 in 6, player 2 in vawi 7. Vawi 8, vawi 9, emaw 10 nei an awm lova, Trent Alexander Arnold chuan vawi 11 lai a nei tling a ni. Elon Musk a ni a, Jeff Bezos a ni bawk. Vansangah a awm, hmun dang daihah a awm. Pangpar pek hi a phu tak zet” tiin Ian Wright chuan a sawi.
Liverpool lama Alexander Arnold’an hun a hman hnu hian a che tha hle a, tunah hian kum 23 a upa chauh la ni mahse, Liverpool player pawimawh tak pakhat a ni mek.
2019-20 season khan Englishman hian a teammate te tan goal 13 lai mai alo siamsak tawh a, Premiere League history bikah season khata defender assist nei hnem ber a ni. Tun season khelh mekah pawh match 20 a inlan atang assist vawi 10 a nei leh tawh bawk. A record neih sa hi a break leh thei dawn niin a lang.
Source SK