Comeroon Football Federation (Fecafoot) election neih zawh takah Samuel Eto’o chu president thar atan thlan tlin a ni a, Ivory Coast star hlui Didier Drogba leh Yaya Toure’an lawmpuina thu an thawn.
g¬Ë
UEFA Champions League nomawi 3 chawi tawhtu Samuel Eto’o hian president thar ni thei turin vote 43 a hmu a, Seido Mbombo Njoya kum 31 upa chu a hneh a ni.
Club leh ram tan tha taka a khelh hnuin, kum 40 a upa Samuel Eto’o chuan football administration khawvelah Cameroon tan a lut a ni.
President thar atana thlan tlin a nih hnu lawk hian Didier Drogba leh Yaya Toure chuan Eto’o hi an lawmpui ve nghal.
“Samuel Eto’o Cameroonian football federation a hnehna i chan hi ka lawmpui tak zet a che. African football a beiseina neitu te tan chuan hmasawnna ropui tak a nih ngei an beisei ang.” tiin Drogba chuan Twitter lamah Etoo hi a lawmpui.
“President ka lawmpui lutuk che! Fecafoot president atan ka thian tha tak mai Samuel Etoo an thlang che hi a ropui tak zet, News duhawm tak a ni.” tiin Yaya Toure pawhin Twitter kal tlangin a lawmpui ve bawk.
Source SL