Zanin February ni 26 zan dar 10 ah Manchester United leh Newcastle United te’n Wembley Stadium, London ah EFL Carabao Cup an inchuh dawn a, inkhel hmuhnawm tak an chhawpchhuak ngei ang le!
Manchester United major trophy chawi hnuhnun ber Europa League niin 2017 daih tawh khan in a ni a, Portuguese coach Jose Mourinho ho in Stockholm ah Ajax an hneh anih kha.
Erik Ten Hag hnuaiah Manchester United in season tha tak an hmang a, mi fak pawh an hlawh chho mawlh mawlh mai. Zanin hian an that tawk zia nomawi hmanga an nemnghet a hun viau e.
Hetih mêk lai hian Newcastle United major trophy chawi hnuhnun ber chu FA Cup niin 1955 daih tawh khan in a ni a, zanina Man Utd hneha EFL Carabao Cup an chawi thei anih ngat chuan kum 67 hnua club in nomawi a chawi leh hmasak ber tum a ni dawn a, a ropui dan tur chu sawi in a siak lo!
Eddie Howe hnuaiah Newcastle United in season tha tak an hmang mêk a, sum hman tur an ngah bawk nen league ah pawh point 41 nen 5-na anni mêk a, season thara Champions League khelh ngei an tum.
Man Utd Team News: Christian Eriksen leh Van de Beek te chu tun thlengin an la inhliam a, 2-1 a Barca an hneh tuma kerêk hliam Marcus Rashford erawh a hliam a na lo hlauh a, Magpies a hmachhawn theih ngei a rinawm.
Newcastle Team News: Newcastle United tana pawi thui thei chu an goalkeeper pahnih Nick Pope leh Martin Dubravka te chuan suspension an tawk a, Loris Karius chuan Magpies tana a game hmasa ber ah final match pawimawh lutuk a khel nghal dawn niin a lang! Emile Krafth chu hliam avangin zaninah a inlan thei dawn lova, Joelinton, Matt Targett leh Willock te erawh an fit hman beisei a ni.
Man Utd vs Newcastle H2H Results (Last Five Games)
- Man Utd: 3 wins
- Newcastle: 0 wins
- Draws: 2
Current Form (Last Five Games)
- Man Utd: DWDWW
- Newcastle: WWDDL
Manchester United Possible Line Up (4-2-3-1): De Gea; Dalot, Varane, Martinez, Shaw; Casemiro, Fred; Antony, Fernandes, Sancho; Rashford.
Newcastle United Possible Line Up (4-3-3): Karius; Trippier, Schar, Botman, Burn; Guimaraes, Longstaff, Willock; Almiron, Wilson, Joelinton