Eden Hazard’an second division club pakhat atang offer a hmu?

Kan hriat angin Real Madrid lamah Eden Hazard hian regular takin khelhna hun a hmu thei mang lo, mak deuh maiin club pakhat atangin Belgium international hian offer a hmu a ni.

Kan hriat angin kum 2019 khan Eden Hazard chuan Chelsea chhuahsanin Spain club Real Madrid a pan a nih kha. Los Blancos lam a pan hnu hian hliam neuh neuhin a tih buai reng avangin a khel tam lo hle.

Thla tlemte liamta vel atang khan Hazard chu chhuak tur anga sawi a ni, Carlo Ancelotti line up ah a lang thei mang lo.

Belgian second division leaders KVC Westerlo leh Vice President Hasan Cetinkaya te chuan Chelsea star hlui hi an lak theih ngei an beisei.

“Eden Hazard hi thian angin ka siam theih ka ring. Lille lama hun a hman lai khan amah chu ka tawng tawh a, engtikniah emaw Fenerbahce tan ala khelh ngei tur thu mintiam.” tiin Cetinkaya chuan Het Nieuwsblad interview ah a sawi.

“Westerlo tan chuan a harsa rih deuh maithei a, mahse, i hre ngai lovang, he club ah hian a career a hmang zo maithei.” tiin a sawi belh bawk.

Kum 2 liamtaa Los Blancos a zawm hnu khan Kum 30 a upa Eden Hazard hian match 54 inlan tawhin goal 5 chauh ala khung a, assist vawi 9 a nei bawk.

Source SL

Related Posts

error: Content is protected !!