Chelsea manager hlui Jose Mourinho chuan Eden Hazard chu training thalo tak a nih thu a sawi a, training tha chu ni se tun ai hian a that zawk tur thu a sawi.
Kum 2019 khan Real Madrid chuan Chelsea atangin Eden Hazard an la lut a, mahse, duh angin Spain lamah a che tha vak lo. Real tan all competion ah match 43 a khelh tawh atang goal 5 chiah a khung thei a ni.
Eden Hazard’an talent a neih tha hle a, mahse, footballer vannei tak pakhat chu a ni chiang. A teammate hlui tam zawk ten, Eden Hazard training that loh thu an sawi thin.
Tunhnai interview naah Chelsea manager hlui Jose Mourinho chuan Hazard chungchang sawiin, training thain, thawkrim chu nise, tun ai hian career tha zawk a hmang ngei ang tiin a sawi.
“Player mak dangdai tak leh tha, mahse training thalo tak a ni” tiin Mourinho chuan talkSPORT a hrilh.
“Zing tin training turin Field chhungah a rawn lut ve ziah a, a thawk tam lo hle. Engtin nge Top professional a nih ve theih ti in i ngaihtuah thei ang”
Chelsea tan Mourinho hnuaiah Eden Hazard khan match 125 a khel tling a, goal 36 a khung mai bakah assist 30 a nei tling.