Serie A champion Inter Milan coach Antonio Conte’an club a chhuahsan hnuah Inter Milan striker Romelu lukaku pawhin €80 million lai maiin club a chhuahsan dawn niin report in a tarlang.
Nerazzurri lam hian Wednesday khan an manager Antonio Conte nen an inthen hrang tawh niin an puang a, he thu hi Conte’an kum 2010 hnua nomawi a chawi pui leh hmasak ber karah khan an puang a ni.
An manager berin club a chhuahsan tak siah chuan, Inter Milan lam hian tun summer transfer lo awm turah hian an player te an hralh nual dawn niin a lang.
Belgian journalis Sacha Tavolieri chuan 2020/21 Serie A winner Inter Milan hian an striker Romelu Lukaku chu team-ah la pawimawh viau rih mahse, €80 million lai maiin an hralh duh niin a sawi.
Lukaku agent sawi dan chuan Lukaku hian a club hlui Chelsea a bia niin a sawi, Lukaku hian kum 2011 khan Anderlecht atangin Chelsea a zawm, kha tih lai khan teenager a ni rih.
Blues boss Thomas Tuchel pawhin 2021/22 season atan centre forward lak luh a duh thu a sawi a, a sawi chhan pawh RB Leipzig atanga Chelsea zawmtu Timo Werner’an season hmasa ber a hman that vak loh vang niin an tarlang.
Erling Haaland leh Harry Kane pawh hi Chelsea nena sawi zawm an ni a, Mahse, Lukaku leh Chelsea te hian inlaichinna an lo neih tawh avangin Lukaku tan Chelsea luh theihna chance a sang zawk.
Kum 2019 khan Lukaku hian Man Utd a chhuahsan a, Season khelh zawh takah khan Inter Milan tan matches 95 inlanin, goals 64 lai a khung mai bakah assists vawi 16 a nei tling.
Source SL