Liverpool player hlu ber tunge tiin inzawt ta ila, Mohamed Salah, Virgil van Dijk, Sadio Mane emaw Trent Alexander-Arnold hi kan thlang ngei ang.
Liverpool in nomawi an chawi hnu atanga chhutin Divock Origi tluka game pawimawha lang hi an awm lem lovang. Origi hian Liverpool alo chhanhim nual tawh a, a goal khungte hi a pawimawh thei khawp mawi, an pawl lam an tlawm dawn emaw tih laia draw pui thin tu leh an draw dawn emaw tih laia hnehna chan pui thin tu a ni.
Nimin lawkah pawh khan ropui takin Wolves lakah Liverpool a chhan leh a, minute 94 naah goal khungin 1-0 hnehna an chang hram. Engpawhnise, a hnuaiah hian Origi’an Liverpool alo chhanhim tawhna top 6 te kan rawn tarlang ve leh dawn a ni.
6 Against West Bromwich Albion – December 2015 (Premier League)
Divock Origi hi stoppage time hero a ni, Kum 2015 December ni 13 khan West Bromwich Albion lakah ropui takin Liverpool a chhan.
Hemi tum hian Divock Origi chuan minute 96 naah goal a khung a, a khung hma kha chuan tlawm tura ngaih anni tawh, mahse, 4-4 in an indraw hram.
5 Against Everton – December 2018 (Premier League)
2018-19 season kha Liverpool tan chuan kawng tamtakin a special hle. Premiere League table-ah khan point 97 lai hlawhchhuak mahse, Manchester City chu an champion a, pahnihna dinhmun an hauh. Divock Origi kha awm lo ta se, point hlu tak tak an hlawhchhuak kher lo maithei.
Matchday 14 an khelhnaah Liverppol chuan Everton an hmachhawn a, Everton lam hi chak zawk tura ngaih ni tawh mahse, Anfield-ah point hlu tak an hlawhchhuak hram.
Minute 96 lai an khel tling tawh a, yard 2 vel atang Origi chuan goal-ah a tauh lut hram. Hnehna an chang nghal a ni.
4 Against Wolverhampton Wanderers – December 2021 (Premier League)
Liverpool a chhanchhuah hnuhnung ber a ni a, kan hre deuh fur ang. Divock Origi hi tunah chuan Liverpool chhanhimtu tia hriat a ni.
Nizan inkhelhah khan Liverpool chuan Wolverhamton an hmachhawn a, minute 90 chhungin goal an khung theilo ve ve mahse, Origi bawk hian hun tawp dawn tepah goal a khung leh hram a, 1-0 in an chak a ni.
3 Against Arsenal – October 2019 (EFL Cup)
Minute 94 naah goal khung Liverpool lamin 5-4 in hnehna an chang.
2 Against Newcastle – May 2019 (Premier League)
Minute 88 ah goal khung in hnehna an chang.
1 Against Barcelona – May 2019 (Champions League)
UEFA Champions League first leg ah FC Barcelona chuan aggregate 3-0 in hma an hruai a, Anfield-ah second leg khelh a ni, Liverpool lam hian tlang thei turin goal 4 tal an thun a ngai a, goal 4 na khungtu hi Origi tho kha a ni. Goal 4 na a khung hnu hian Liverpool chu aggregate 4-3 in an tlang ta a ni.
Source Sk