July ni 13, 2023 khan England footballer Dele Alli chuan Gary Neville an a kawmna ah a naupan laia a hun tawn harsa tak tak te a sawichhuak a, khawvel hmun hrang hranga a foootballer pui leh fans te khawngaih rawn hlawhin an thlawp zia nasa takin an lantir bawk.
Spurs star hlui hian kum 6 mi chauh a nih laia khawih chingpen anih thu te, kum 8 mi anih in ruihhlo a zawrh tan thu te, kum 12 mi anih laia fa atana lâk (adopt) anih thu te leh thil dang tam tak a nuna lo thleng tawh te a sawi.
Alli chuan, “Kum 12 mi ka nih in fa atana lâk ka ni a, mahse ka lo sawi tawh ang in chhungkaw fel takin min enkawl. Ka chunga an thil tih te ti tur khan anni aia tha an awm bik âwm lo ve. Pathian in mihring te hi a siam ve ngai anih chuan anni kha a mihring siam dik tak te chu anni ang” a ti.
Amaherawhchu Dele Alli thusawi te kha a dik tawk lo nge ni ang? OBJSPORT in kawmna ah Dele te chhungkaw member pakhat chuan Dele chu adopt anih loh thu leh a thil sawi te kha dawt anih thu a sawichhuak tlat mai le!
“Dele hi tumah in fa atan an la lo. Kum 7 mi anih in Dele hi Lagos, Nigeria a school tha ber pakhat ah a lut. School atanga thlah hawng thin tu driver a nei thlap bawk. Inkhuahkhirhna duh vangin Dele hi Africa ah an thawn lova, khang a thil sawi te kha dawt vek a ni! A pian tirh ata a pa nena an khawsak dunna thlalâk leh documentary te kan kawl vek. Dele hi rilru lamah chian lohna a nei zo ta ni mai in a lang” tiin Dele te chhungkaw member zinga mi chuan a sawi.
Dele Alli hian mite beisei a phâk loh chho lutuk leh a tlahniam lutuk thup mawi nan hian dawt sawiin thu a phuah kual ve mai mai mai te hi a ni mai lo maw?
