De Bruyne an Ronaldo leh Messi ah a khelhpui duh zawk a thlang

Manchester City midfielder Kevin De Bruyne chuan Paris Saint Germain forward Lionel Messi aiin Manchester United striker Cristiano Ronaldo khelhpui a duh zawk.

Belgium midfielder De Bruyne ngaihdan in Argentine captain Messi chu amah anga playermaker a ni a, Portuguese captain Ronaldo erawh goal khung tura duan a ni thung.

‘Messi leh Ronaldo ah tunge i khelhpui duh zawk?’ tia an zawhna De Bruyne chuan chhangin, ” Ronaldo ka duh zawk ang, a chhan chu goal khung tura duan deuh bîk anih vang a ni. Messi hi chuan game siam (playmaking) a ti mah zawk a, kei playmaker ka lo ni ve tho bawk nen. Chuvangin striker khelhpui tur min pe thei ang” a ti.

Kum 31 a upa hian 2015 khan Etihad Stadium a pan a, Cityzens tan game 317 khel tawh in goal 87 leh assist vawi 129 a nei tawh.Tin, tun season kal mêk ah City tan goal 1 leh assist vawi 8 a nei tawh bawk.

Related Posts

error: Content is protected !!