Dawithiam ang mai a ni – Ferdinand

Nizan Champions League group stage match a Liverpool in 2-0 a Rangers an hneh hnuin tun hnaia sawisel hlawh Trent Alexander Arnold chu Rio Ferdinand an a fak.

English right back hian nizan inkhel ah free kick hmang in hmahruaina goal a khung a, game khelh chhung zawng in a che tla vel hmuh a nuam a, a insiamtha hle.

Injury time a lâkchhuah a ni in Reds fans te chuan Arnold hi kut bêngin an lawm nghe nghe.

“Ball nen hi chuan dawithiam ang mai a ni. Tun hnai kuma a goal leh assist neih te hi hmuh kân a ni. Full back tan chuan a thil tih ang hi a namai lo hle” tiin Rio Ferdinand an Rangers laka khel tha Trent Alexander Arnold fakna thu BT Sport kaltlangin a saiwchhuak.

Man Utd legend chuan sawi chhunzawmin in, “A châng hi chuan rilru a pe tawk lo em ni aw tih theih a ni a, mahse player te ah hian an tih dik lai hmuh sak hram hram a tha in ka hria. Attacking lam ngawr ngawr kan thlir anih chuan Liverpool tan hian Arnold tluka tha an awm chuang lo. England atanga chhuak right back tha ber te zinga mi anih ka ring a, ani leh Reece James hian goal leh assist neih tam kawngah chuan record thar an siam ngei ka ring bawk” a ti.

error: Content is protected !!