England goalkeeper hlui David James chuan Liverpool star Kostas Tsimikas chu a fak a, tun season Liverpool squad-a player tha ber pakhat a nih thu a sawi.
Andy Robertson backup tu tur atan Liverpool chuan Olympiacos atang Kostas Tsimikas hi an la lut a. Left back hi khel tam lo mahse, a khelh chhunah a khel tha thei hle, hei vang hian tun season starting XI a telh ve tura duhtu an tam hle.
David James chuan Stadium Astro-ah Liverpool defender chungchang sawiin, kum 25 upa hi hahipin a fak. Premiere League goalkeeper hlui James hian Tsimikas chu Jurgen Klopp hnuaiah hma a sawn hle niin a sawi bawk.
“Tsimikas hi Jurgen Klopp hnuaia player hmasawn ber entirna pakhat a ni. Tun season-ah a start a, Liverpool ah hian kum 3 chhung a awm tawh. A game khelh ka en hian ka duh tak zet, he player hi ka hre ngailo” tiin a sawi.
Jurgen Klopp’an Liverpool lama plan a neih a thlak duh lo
Liverpool fans ten Kostas Tsimikas hi starting XI chang ve se tih an duh laiin, Jurgen Klopp XI a dah a tum lem lo niin a lang.
“Mi ten Robbo thatna an theihnghilh, a chhan chu Kostas hi a that ve tho avangin,” tiin a sawi.
“Player tha tamtak kan nei mahse, Robbo hi ka down tir dawn lo. Game harsa awm dan a zirin player pahnih te hi kan thleng a, hemi avang hian ka hlim hle. Mahse, Robbo hi chu Robbo a ni.” tiin a sawi bawk.
Source SL