Real Madrid player lak luh thar David Alaba chuan Sergio Ramos hak thin jersey number 4 a hak chhan a sawi.
Austria international hian Bayern Munich atangin free transfer in Real Madrid a zawm a, Bayern Munich lama contract a neih chu a hmanzawh tawh vang a ni.
David Alaba chuan Sergio Ramis number 4 a hak chhan a sawi dan chuan he number chauh hi hak theih a awm vang niin a sawi a, Real Madrid ah hian Ramos thlak turin a luh loh thu a sawi bawk.
“Number hak tur chungchangah hian club lam ka bia a, anni chuan he number hi min pe, a chhan chu number dang hak tur a awm loh vangin” tiin Alaba chuan Club Official website a hrilh.
“He club tana he number pawimawh zia chu ka hria a, ka tan chuan he number hak chu phurna nasa tak min petu a ni. He number hian chakna leh leadership neih that zia a pholang a, ka engkim ka pe ang.”
“Real Madrid ah hian Ramos hi kum 10 chuang alo awm tawh a, he number ha chung hian hruaitu a ni tih chu mi zawng zawngin an hria. Niminah khan he number chauh hi a ruah thu min hrilh a, midang hnenah ka number hak thin dil chu ka duh lo.” Tiin a sawi.
David Alaba chuan he number in phurna nasa zawk a pek thu a sawi mai bakah, he club tan hian a theihna zawng zawng hlan a duh thu a sawi tel bawk.
Source SL