Kum 1998 hnuah a vawikhatna atan Scotland chuan Euro an khel ve leh a, an rawn kir lehna hmasa berah Czechs an hmachhawn nghal, mahse, Czech Republic lamin 2-0 in hnehna an chang a ni.
Czech Republic striker Patrik Schick hian half time hmain goal khatna a khung a, Vladimir Coufal cross tha zet mai chu a lu hmangin a ti goal a ni. Mahse, a pet goal vawi 2 na erawh hunrei tawh tak atang khan a thleng khat tawh hle. Kha a goal khung kha chhinchhiahtlak tak pakhat a ni ngei ang.
Patrik Schick hian center bul atangin goal-ah a khung a ni.
Scotland in Euro an khelh hnuhnung ber chu 1996 kha a ni, hemi hnu hian Nations League-ah in pet tling lehin, an group ah pakhatna an ni.
Scotland hi a hmanin World Cup emaw Euro-ah pawh nise, Group stage-ah hian an che chhe zawk zawk ngai lo, mahse, tun tumah hian enge an an dawn le.
Zirtawpni khian Wembley-ah England an hmachhawn dawn a, hemi hnu hian Group match hnuhnung ber atan Croatia an hmachhawn leh bawk ang. Group stage hi paltlang thei tak ang maw?
Source SL