Cuban hmeichhe pakhat chuan kum 16 mi a nih laiin Diego Maradona’an a pawngsual niin a sawi.
Mavys Alvarez leh legendary footballer Diego Maradona hian kum 20 liamta velah khan relationship tha tak annei a, Alvarez-i chuan Argentine Ministry of Justice court-ah testimony a sawi nual niin report in an tarlang.
Alvarez-i chuan Maradona nen an intawn lai hian kum 16 a upa chauh ala nih thu a sawi a, hetihlai hian Maradona erawh kum 40 bawr vel a ni tawh. Cuban khawpui Havana-ah damdawi addict treatment ala niin a sawi a, hemi hnu lawk hian football a chawlhsan nghal niin a sawi.
Alvarez’in court a hrilh dan chuan Maradon hian a pawngsual niin a hrilh a, hetiang pawngsual a nih vangin ngai awh leh thei turin clinic a pan thu a hrilh bawk. Kha tia Maradona’an a pawngsual lai khan an awmna kiang lawka room pakhatah a nu a awm ve thu a sawi a ni.
“Ka ka chu min tuam sak a, min pawngsual, thil tamtak hi ka ngaihtuah duh lo,” tiin Alvarez chuan a sawi.
“Ka hmeichhe nihna ka hlohva, ka innocence ve na te kha keimah atang ruk bo vek a ni, a na tak zet. Hetiang kum zata hmeichhe naupangin hetiang a tawk hi chu tuarna nasa tak a ni.” tiin a sawi bawk.
A hmain Maradona leh Alverezi te inlaichinna chu a tha viau angin an sawi a, mahse, Alvrez-i chuan Maradona nena kum 4 leh kum 5 vel an awmdun chhung kha atan chuan tisa thil leh hmeichhiat mipatna ah anchhia ang mai a nih thu a sawi thung.
A chhungten Maradona nena inhnaih min phalsak chhan pawh Cuban President hlui Fidel Castro hi Maradona thiantha tak a nih vang chauh a ni tiin Alvarez-i chuan a sawi.
“Cuban sorkar challang hi awm lo se chuan ka chhungte chuan Maradona hi an duh ngai lovang” tiin Alvarez-i chuan a sawi belh.
“Hei hi chu tiluihna avangin relationship a awm a, an tan pawh a tha lova, mi zawng zawng tan a tha lo a ni.” tiin a sawi bawk.
“An rama awm chu a harsa hle, khawihmunah pawh awm se tupawh mai khan an lawm hle a, an idol a ni, mahse, kei chuan a mimal that loh zia ka hre reng thung.”
Maradona hian Alvarez hi Cocaine a siam tir thin a, a sawi dan chuan, “Ka hmangaih a, mahse, ka haw hle si, mahni intihhlum chakna ka nei zing hle.” tiin Alvarez-i chuan uar takin a sawi.
Source SB