Portugal Superstar Cristiano Ronaldo chuan New York khawpui, Times Square-ah a hotel hnuhnung ber a hawng leh niin Daily Mail in an tarlang.
Portugal leh Juventus superstar C Ronaldo hian a hmain Madeira, Lisbon leh Madrid-ah te hotel hi alo hawng tawh a, thla hmasa atang khan a hnuhnung ber tur New York khawpui ami hi a hawng leh a ni.
C Ronaldo chuan a official Twitter account kaltlang hotel thar a hawn leh thu a post a, Europe pawnah a vawikhatna atan Hotel hi a hawng a ni.
” 07.07 hi ni danglam tak a ni. ka hotel thar PestanaCR7, Times Square, New York-a awm hi ka rawn hriattir che u” tiin C Ronaldo chuan Twitter lamah a tweet.
“Lo book ula, New York khawpuia hotel tha ber a nih zia han zir chiang ve teh u” tiin a tweet bawk.
Hotel Official website lama an tarlan dan chuan, hotel awm man hi zankhatah £117 ani a, Pestana guest member tan offer a awm bawk niin an tarlang.
Cristiano Ronaldo hotel PestanaCR7 hi khawel huap tana siam a ni a, a rinawm hle.
Room hrang hrang awmin art gallery hrang hrang a awm bawk. Room zawng zawngah Fridge, USB port, HD Tv leh Wifi a awm vek a ni.
Cristiano Ronaldo hian hotel thar dang hawn leh a tum a, Manchester ah niin, Piccadilly Gardens bul velah hawn a tum, kum 2023 khian tih fel hman a tum niin Mailonline in a tarlang.
Source Mailonline