Nizan Euro 2020 Group match Hungary leh Portugal khelhah khan Portugal superstar Cristiano Ronaldo chuan UEFA European Championship record thar pahnih a siam.
Juventus forward Cristiano Ronaldo hi Euro history-ah Euro vawi 5 khel thei hmasa ber a ni a, Group F match Hungary 3-0 a an hnehna match kha Euro vawi 5 a khelhna a ni.
Nizan inkhelhah khan C Ronaldo chuan goal 2 a khung a, Euro history-ah goal khung tam ber a ni. Michel Platini hian France tan Euro goal 9 a khung a, Cristiano Ronaldo chuan goal 11 khung tawhin, European history-ah goal khung tam ber a ni mek.
Portugal hian Inrinni lo awm turah a vawi 2 nan Germany an hmachhawn leh dawn a, Group match hnuhnung berah France an hmachhawn ang.
Cristiano Ronaldo hi kum lamah upa tawh viau mahse, goal khung lamah a duailo hle a, Ram tana goal khung hnem ber Ali Daei pawh a hnaih zel e.
Source SL