Cristiano Ronaldo’an Eng Thu Nge Min Hrilh – Bruno Fernandes

Manchester United lamah hun duhawm tak a hmang chho tan mek a, Bruno Fernandes chuan Red Devils superstar hlui Cristiano Ronaldo’an a ngaihsan dan chungchang vel a sawi a, hun liam tawhah C Ronaldo hnen atangin fakna thu duhawm tak a dawn thu a sawi bawk.

Kum 25 a upa Bruno Fernandes’an January transfer window a Old Traford lam a pan hnuin, Portuguese star C. Ronaldo hnungzuiin Man Utd tan a che tha chho tan hle a ni.

Advertisement

Bruno Fernandes hi Ballon d’Or vawi 5 lai lo dawng tawhtu Cristiano Ronaldo kiangah an ram Portugal tan a khell tawh a, inkungkaihna tha tak an neih thu leh a naupan deuh lai tawh atangin C Ronaldo chu a idol a nih thu a sawi chhuak.

Bruno Fernandes leh Cristiano Ronaldo Portugal Tan
Bruno Fernandes (Manchester United)

Tunhnai lawk interview an neihnaah midfielder Fernandes chuan Sporting Lisbon, Man Utd leh Real Madrid player hlui Ronado hnen atangin a hmuh hmasak bernaah thu thlum tak leh nalh tak a dawn thu a sawi chhuak. Hei hi Portugal senior team tana an koh ve hmasak berna a ni nghe nghe.

Advertisement

“Ronaldo hian Portugal national team-ah min lo lawm hle” tiin Fernandes chuan Cronache Di Spogliatoio a hrilh.

“Idol angin kan en hlawm, ka tan chuan englai pawhin ka idol a ni. Entirna a neih te ka entawn ve zel, amah hi ka duh ber pakhat a ni”

Advertisement

“Portugal tan khel ve tura koh ka nih lai khan, ka hnenah a lo kal a, ‘Sporting-ah khan hna tha tak i thawk a ni, ka duh hle’ tiin a sawi. He a thusawi hi a danglam hle” tiin a sawi bawk.

Bruno Fernandes hi Old Traford lamah a insawn hnuin, Man United tan matchs 9 lai a khel tling tawh a, goal 3 a khung mai bakah assists vawi 4 a nei tling tawh a ni.

Manchester United lamah hian a hlawhtlin chho i ring mai em?

Advertisement

Advertisement

Next Post

Football History-a Red Card Hmu Hnem Zual Players 9 Te

Wed Mar 18 , 2020
Football hi inkhawihna /intawhna (sport) ti pawhin kan sawi thei maithei. Players tamtak te chu an lar hle a, players […]