‘Cristiano Ronaldo’an Barcelona a zawm teuh hle’ – Gerard Pique

Cristiano Ronaldo’an Real Madrid a zawm hma khan Camp Nou lamah a lut teuh hle niin Barcelona defender Gerard Pique chuan a sawi.

Thla khat chhung teh meuh mai indawrna an neih hnuin, Real Madrid chuan Manchester United atang Cristiano Ronaldo chu kum 2009 summer transer lai khan an la lut a. Real Madrid hian C Ronaldo lak luhna atan £80 million lai an seng, mahse, an la sual lo chiang khawp mai.

Cristiano Ronaldo’an Real Madrid a pan hnuah an che tha ang reng hle a, La Liga rorel thintu Barcelona an khum a, Europe lamah pawh an duailo hle. Kum 2009 atanga 2018 inkar chhung khan C Roanaldo hian Real Madrid tan record thahnem tak a siam hman a ni.

Goal 450 lai a khung sak a, Barcelona lakah goal 20 a khung tel bawk. Real Madrid chu La Liga nomawi 2, Champions League nomawi 4 a chawi pui hman a ni.

Han ngaihtuah mah teh Real Madrid tana goal khung tam ber C Ronaldo hian FC Barcelona hi zawm ta se, mi tamtak tan Barcelona chu mangchhia a ni ngei ang. Barcelona defender Gerard Pique chuan C Ronaldo’an Barcelona a zawm teuh thu a sawi.

“C Roanaldo kha Real Madrid in an lak luh hma khan, Barcelona in vawikhat lai chu an la lut teuh hle.” tiin Gerard Pique chuan Ibai’s Twitch channel a hrilh.

Spain lama rivalry annih hma khan, Old Trafford lamah C Ronaldo leh Gerard Pique hi an lo khel dawn tawh a. Kum 2004 leh 2008 inkar khan United chu trophies 3 an chawi pui a, Champions League, Premiere League leh Community Shield an chawi pui a ni.

Source SL

Related Posts

error: Content is protected !!