Mizo Football

Cristiano Ronaldo Transfer update

Cristiano Ronaldo Transfer update

Cristiano Ronaldo chu a club hlui Real Madrid lama kir leh tur anga sawi a nih hnuah, Juventus director Fabio Paratici chuan an forward hmalam hun tur chungchang a sawi.

Cristiano Ronaldo hi thla tlemte liamta vel atang khan Paris Saint-Germain nena sawi zawm ani a, kan hriat angin Serie A club lian Juventus hi season hmasa lamah khan UEFA Champions League quarter final stage-ah an tla a ni.

Italian media te chuan tunlai coronavirus hrileng avangin club lamin sum lamah harsatna hrang hrang an tawk a, C Ronaldo hlawh alo tam bawk nen, club lamin chhuahtir dan an ngaihtuah dawn niin an tarlang.

Juventus director Paratici chuan Ballon d’Or vawi 5 dawng tawhtu Cristiano Ronaldo hmalam hun chu Jvuentus-ah a awm thu a sawi.

“Ka thlamuan nawn leh thei che u, Cristiano Ronaldo hmalam hun chu hetah Juventua ah a awm” tiin Paratici chuan DAZN a hrilh niin Goal lamin an tarlang.

“Transfer thuthang chungchang te hi kan ngaihven lem lo, nitin news tamtak a awm” tiin a sawi bawk.

Cristiano Ronaldo hian tun season khelh mekah Serie A Matches 5 a khelh tawh atangin goals 8 lai a khung tling tawh a ni.

Source SL