Football history-a footballer ropui ber pahnih anga kan sawi thin Cristiano Ronaldo leh Lionel Messi chuan tun summer transfer hian an khelhna club an chhuahsan ve ve a. Paris Saint-German chuan Barcelona atang Lionel Messi an la lut a, chutiang bawkin Cristiano Ronaldo pawh a hming a chher chhuahna club Manchester United lamah a kir ve leh bawk.
Ti hian Cristiano Ronaldo leh Lionel Messi chuan contract thar ve ve an nei ta a, Manchester United leh Paris Saint-Germain hian kum 2 daih ve ve contract an pe a ni. Hetihlai hian Lionel Messi hian a duh chuan kum khat dang Paris-ah contract a pawtsei thei thung a ni.
Cristiano Rnaldo leh Lionel Messi hian engzat chiah nge an hlawh le?
Footballer talent nei tha tak te hi an tlawm theilo hrim hrim. Mahse, C Ronaldo emaw Leo Messi hi chu an dan a dang deuh pawh a ni mahna. Hunrei tak chhung chu footballer tha ber anni a, an hlawh a tam mai bakah hausak pawh an hausa a ni.
Fans tamtak te chuan Cristiano Ronaldo leh Lionel Messi hian engzat chiah nge an hlawh tih an hre chak a, a bik takin tun hnai an transfer avang khan an hre chak zual ngei ang.
Report a alan dan chuan Manchester United hian Cristiano Ronaldo chu kum khatah £24.96 million hlawh turin an offer a, Portuguese captain hian kar khatah £480,000 lai mai a hlawh dawn a ni. Premiere League player hlawh hnem ber a ni mek.
Lionel Messi hi C Ronaldo aiin a hlawh hnem leh zawk a. Kum khatah £29.78 million a hlawh thung. Kar khatah £572,690 lai mai hlawh ziah ang a ni thei dawn a ni.
Mahse, heihi kan hriat atan, PSG khan Leo Messi hi free transfer in an la lut a, Manchester United lam chuan C Ronaldo man atan hian €15 million mai bakah add-ons €8 million an pe thung.
Source SK