Aviva Stadium-ah hmeichhe naupang pakhat chu Cristiano Ronaldo kawr duh vangin pitch chhungah a tlan lut a, hei vang hian pawisa tam tak £2,500 lai mai an fine tir niin report in an tarlang.
He hmeichhe naupang hi Addison Whelan kum 11 a upa chauh ala ni a, Ireland leh Portugal te inkhelin 0-0 in an indraw, Manchester United forward C Ronaldo jersey duh vangin pitch chhung lamah a tlan lut a ni.
Security guard pahnih karah ring takin C Ronaldo chu a auva, Security te chu chawlh tirin hmeichhe naupang hnenah chuan a jersey hak lai chu a pe ta a ni.
Addison-i chuan C Ronaldo kawr a neih theih vanga a lawm zia a sawi rualin, £2,500 lai mai fine tir a nih thu a sawi tel bawk.
Addison hi Shelbourne’s Under 13 tan a khel a, RTE Radio a hrilh dan chuan, “Barrier ka zuan hlen, a chhan chu row 2 naah ka awm vangin, row khatna ka zuan hlen a, hemi hnu hian barrier ka zuan hlen leh a ni.” tiin a sawi.
“Pitch chhung lamah chuan chak takin ka tlan lut nghal a, mahse, ka hnungah security guard pahnih an rawn tlan phei ve nghal a, kil dang atangin guard pahnih dang an rawn tlan lut ve bawk, mahse, chak takin ka tlan lui tho.”
“Midang pahnih an rawn tlan lut tih ka hriat rualin a hma ai chakin ka tlan a, mahse, a hnuah min man ta tho.”
“Ronaldo chu a hmingin ring takin ka auva, Ka lam lo hawiin min hmu a, security te hnenah chuan chelh lo turin a hrilh a, hemi hnu hian min kian san.”
“Ka koh hnu chuan ka lam pan chuan a rawn kal a, mak ka ti hle, tap chungin, i jersey kha ka nei thei ang em? khawngaihin min pe rawh, fan ruhkawl tak ka ni” tiin ka sawi. Ani chuan i tha maw? tiin a sawi ve bawk.
FM104 a hrilh dan chuan, “Pitch chhunga ka tlan luh tak avang khan ka fine a, Ka pa in a pe ang.” tiin a hrilh.
Source Sl